«Սա նախադեպ է ՀՀ-ի համար՝ Թուրքիայից և Ռուսաստանից նյութական փոխհատուցում պահանջելու առումով». Տիգրան Խզմալյան

Կինոռեժիսոր Տիգրան Խզմալյանը ֆեյսբուքյան իր էջում գրել է. «Կրեմլը, Հաագան և Հայաստանը
Օրվա միջազգային բոցն է Հաագայի միջազգային դատարանի որոշումն ընդդեմ Ռուսաստանի, որը պարտավորեցվում է վճարելու 50 միլիարդ դոլար Խոդորկովսկու «Յուկոսին»։ Կրեմլը, իհարկե, իզուր չէ նախապես պատրաստել օրենք միջազգային պարտավորությունների անտեսման մասին, սակայն դա չի օգնի, քանի որ Հաագայի դատարանի որոշմամբ հետայսու բռնագրավվելու է Ռուսաստանի ցանկացած սեփականությունն արտասահմանում՝ ի հաշիվ այդ վիթխարի պարտքի։ Սակայն մեզ դա պետք է հետաքրքրի մեկ այլ տեսակետից. սա նախադեպ է նաև ՀՀ-ի համար Թուրքիայից և նույն Ռուսաստանից մեր ազգային հարստությունը զավթելու և բռնագրավվելու դիմաց նյութական փոխհատուցում պահանջելու առումով։ Եվ այդ գումարը կարող է շատ ավելի մեծ լինել։ Սակայն, նախևառաջ, պետք է հռչակել ՀՀ-ն առաջին Հանրապետության, այլ ոչ թե ՀԽՍՀ իրավահաջորդ, ինչպես հիմա է, և ամենակարևորը՝ չեղյալ հայտարարել միջազգային դատարանում 1921թ․ ռուս-թրքական պայմանագրերը ՀՀ վերաբերյալ»։