Երևան`   +5 °C
Այսօր`   Ուրբաթ, 29 մարտի, 2024 թ.

#Fitch-ը նախազգուշացնում է կորոնավիրուսի պատճառով ավտոմեքենաների համաշխարհային շուկայում առկա խնդիրների մասին

2608
Ուրբաթ, 14 փետրվարի, 2020 թ., 21:35
#Fitch-ը նախազգուշացնում է կորոնավիրուսի պատճառով ավտոմեքենաների համաշխարհային շուկայում առկա խնդիրների մասին

Նոր COVID-19 կորոնավիրուսը կարող է հանգեցնել Չինաստանում նոր ավտոմեքենաների վաճառքի նվազեցմանը և խաթարել գլոբալ մատակարարումները, ինչը «2020 թվականին կբարդացնի ավտոմոբիլային ոլորտի խնդիրները»,- նշվում է Fitch միջազգային վարկանիշային գործակալության զեկույցում:

Մասնագետների կարծիքով, եթե վարակի բռնկումն ունենա կարճ տևողություն, ապա վիրուսի տարածումն էապես չի ազդի ընկերությունների վարկային ցուցանիշների վրա, և վիրուսի ազդեցությունը կզգացվի առաջիկա մի քանի ամիսների ընթացքում:

Fitch-ը կարծում է, որ ոլորտի վրա ամենամեծ ազդեցությունը կունենա վաճառքի անկումը: Չինաստանն աշխարհում ամենամեծ շուկան է նոր մեքենաների համար, որը կազմում է համաշխարհային վաճառքի մոտ 30%-ը:

Փորձագետները կարծում են, որ մատակարարման խափանումները, որոնք առաջացել են Չինաստանում մեքենաների և մասերի արտադրության դադարեցման պատճառով, կտևեն մինչև փետրվարի վերջը կամ մարտի սկզբը: