Մահացել է նոր կորոնավիրուսը հայտնաբերած չինացի 34-ամյա բժիշկը

Չինաստանում նոր 2019-nCoV կորոնավիրուսով վարակվելու դեպքերի թիվը գերազանցել է 31,1 հազարը, մահացել է 636 մարդ, ապաքինվել 1400-ը: Այս մասին ուրբաթ հայտնել է Չինաստանի հիգիենայի և առողջության հարցերով պետական կոմիտեն:

Ավելի վաղ Ванъи պարբերականը հայտնել էր, որ կարանտինային գոտում է գտնվում ավելի քան 186 հազար մարդ:
Աշխարհի 28 երկրներում գրանցվել են կորոնավիրուսի դեպքեր։
Չինական նավթավերամշակման խոշոր գործարանները նվազեցրել են նավթի սպառման միջին օրական կանխատեսումը, նրանք ակնկալում են, որ փետրվարին այս ցուցանիշը կնվազի 25%-ով կամ օրական 3.2 միլիոն բարելով։
ՕՊԵԿ+ ընկերության տեխնիկական կոմիտեն առաջարկել է, որպեսզի համաձայնագրի կողմերը նվազեցնեն նավթի արդյունահանումը 600 հազար բարելով մեկ օրվա համար։ Այս որոշումը կայացվել է կորոնավիրուսի մասին նորությունների պատճառով, սակայն Ռուսաստանը, ըստ լրատվական գործակալությունների, հրաժարվել է այդ առաջարկից: Շանհայում տեղակայված Tesla ընկերության գործարաններում արտադրության ժամանակավոր դադարեցման մասին լուրերի պատճառով ընկերության բաժնետոմսերը անմիջապես ընկել են 20%-ով: Չինաստանում կարանտինի պատճառով կորուստներ են ունենում նաև այլ ընկերություններ, ինչպիսիք են Disney-ը:
Ուհանում նոր տեսակի կորոնավիրուսի հետևանքով մահացել է վարակի բռնկման մասին առաջինը հաղորդած չինացի բժիշկը։ Լի Վենլիանը, ով երկրում բռնկված նոր տեսակի կորոնավիրուսի մասին առաջինը բարձրաձայնած բժիշկներիցն է, մահացել է վիրուսի հետևանքով առաջացած հիվանդությունից: