Չինաստանում կորոնավիրուսից մահացածների թիվը հասել է 361-ի. Հուբեյում՝ նաև թռչնագրիպ է

Չինաստանում 2019-nCoV կորոնավիրուսի հարուցած թոքաբորբից մահացածների թիվը հասել է 361-ի, հիվանդացածների թիվը՝ 17․200-ի, հայտնել է Չինաստանի Հիգիենայի և առողջապահության հարցերով պետական կոմիտեն:
Առողջապահության համաշխարհային կազմակերպության տվյալներով՝ վարակված է 14․557 մարդ (որից 14․411-ը՝ Չինաստանում): Չինաստանի սահմաններից դուրս հաստատվել է վարակման 146 դեպք՝ ավելի քան 20 երկրներում: Գրանցվել է մահվան առաջին դեպքը Չինաստանի սահմաններից դուրս: Ֆիլիպիններում մահացել է Ուհան քաղաք այցելած մի մարդ։ Չինաստանի իշխանությունները որոշում են կայացրել ազատել կորոնավիրուսի դեմ պայքարի համար ներմուծված ապրանքները հարկումից: Խոսքը պաշտպանիչ բժշկական դիմակների, ախտահանիչ նյութերի և այլ ապրանքների մասին: Չինաստանի Ունան նահանգում, որը հարավից սահմանակից է Հուբեյին, նոր կորոնավիրուսի բռնկման հետ մեկտեղ տարածվել է նաև թռչնագրիպը (H5N1)։