Կորոնավիրուսի 2 դեպք է գրանցվել ՌԴ-ում

2248

Շաբաթ, 01 փետրվարի, 2020 թ., 11:30

Կորոնավիրուսի 2 դեպք է գրանցվել ՌԴ Տյումենի շրջանում և Տրանս-Բայկալ երկրամասում: Հիվանդները Չինաստանից Ռուսաստան ժամանած ուսանողներ են: Առողջապահության նախարարության հաղորդմամբ՝ այժմ նրանք բուժում են ստանում և ամբողջովին մեկուսացված են: Ուսանողների հետ շփված անձանց մոտ կորոնավիրուսի վարակի նշաններ չեն հայտնաբերվել։

Հիշեցնենք, որ 2019-nCoV կորոնավիրուսի հարուցած թոքաբորբով վարակվածների առաջին երկու դեպքերը ՌԴ-ում արձանագրվել էին հունվարի 31-ին՝ Չինաստանում վիրուսի տարածումից ուղիղ մեկ ամիս անց: Ավելի վաղ ՌԴ-ն փակել էր Չինաստանի հետ սահմանը: