«Լավ ենք արել, ժողովրդին խաբել ենք». խաղարկության կազմակերպչի պատասխանը՝ մասնակիցներին
MAMUL.am-ի խմբագրություն էին դիմել մի խումբ քաղաքացիներ, ովքեր բողոքում էին «Մեգամոլում» անցկացված խաղարկությունից: Նրանցից մեկը՝ Քրիստինե Ներսիսյանն ասաց, որ ըստ խաղարկության կանոնների՝ Ամանորից առաջ 3 ամիս 50 հազար դրամի գնումներ կատարելու դեպքում կտրոններով կարող էին մասնակցել դրան: Ինքն էլ, հավատալով հայտարարված ակցիային, դարձել էր դրա մասնակիցներից մեկը: «Ամբողջ հանրապետության մասշտաբով անցկացվող խաղարկությանը ենթադրելի է, թե որքան մարդ կլիներ, բազմությունն արդեն գետնանցման հատվածից դուրս էր, որտեղ ոչինչ չէր լսվում: Մոտեցա անվտանգության համար պատասխանատու աշխատակցին, խնդրեցի, որ միջոցներ ձեռնարկի խաղարկությունը դադարեցնելու համար, որովհետև ոչինչ չէր լսվում, որ մարդիկ կարողանային թիվ լսել: Կողքից էինք լսել, որ եթե թիվը 3 անգամ կրկնվելուց հետո ոչ մեկ չի մոտենում, ուրեմն՝ տվյալ թիվը չեղյալ է համարվում: Սակայն անվտանգության աշխատողը ոչ մի քայլ չձեռնարկեց՝ «բոլորը զբաղված են, աշխատող չունենք» պատճառաբանությամբ: Մեկ այլ տարեց կին, որը ևս բողոքել էր, փոխտնօրեն ներկայացած անձը նրան ասել էր. «Լավ ենք արել, խաբել ենք ժողովրդին»,- պատմեց Ք. Ներսիսյանը: Նա, առևտրի կենտրոնից աջակցություն չստանալով և այլ ելք չունենալով, դիմել է իրավապահներին, զանգահարել 1-02, ոստիկանությունը ժամանել է, նրանից ցուցմունք վերցրել, խոստացել, որ հետո իրեն կհարցաքննեն: «Նշեմ, որ երբ զրուցում էի առևտրի կենտրոն ժամանած ոստիկանի հետ, «Մեգամոլի» աշխատողն աչքունքով ինչ-որ բան էր ուզում նրան հասկացնել... Ես մինչև վերջ գնալու եմ, անգամ պատրաստ եմ դատարան դիմել»,- նկատեց Ք. Ներսիսյանը: Ըստ նրա՝ ընդամենը հարկավոր էր կազմակերպչական աշխատանք տանել, խաղարկությունն անցկացնել բարձրախոսներով կամ հեռուստաէկրան տեղադրելով, ինչի մասին ինքը հայտնել է առևտրի կենտրոնի տնօրինությանը: «Սիթիի տնօրեն ներկայացած մի մարդ ասաց, որ իրենք մասնագետի են կանչել, որը չափագրելուց հետո եզրակացրել է, որ խաղարկության մասնակիցները տարածքում կտեղավորվեն: Երբ նշեցի, որ մարզերից անգամ տարեցներ են եկել՝ բնականաբար՝ ոչ միայնակ, ասաց՝ մենք ի՞նչ իմանայինք, որ ամեն մասնակից իր հետ 3-4 հոգի է բերելու»,- նշեց խաղարկության մասնակիցը: Նա հիշեցրեց, որ նախկինում էլ ցանկացել են նման խաղարկություն անցկացնել, սակայն եզրակացրել են, որ դա հնարավոր չէ: Այն հետաձգել էին, հետո որոշել անցկացնել հունվարի 25-ին: «Լսել եմ, որ 10 միլիոն դրամ շահող է եղել: Եթե անգամ այն արդար է եղել, ապա թող բարի լինեին՝ ժողովրդի մեծ մասին դուրսը չթողնեին: Թող մարդկանց քարտի վրա 5 հազար դրամ նստացնեին, բայց նման բան թույլ չտային»,- նկատեց խաղարկության մասնակիցը: Ք. Ներսիսյանի նախաձեռնությամբ սոցցանցում «Դեմ եմ Սիթիին» խումբ է ձևավորվել: |
Երևանում ԱԺԲ–ի ակցիայի 96 մասնակից է բերման ենթարկվել
1500:48«Նվիրվածությունը ազգային շահերին ու անվտանգությանը պետք է դառնան քաղաքական զարթոնքի հիմնաքար». Դավիթ Անանյան
2500:36«Ծիծեռնակաբերդում երեխեք կային, որոնց ծնողները զոհվել են ցինիկ Աննայի ու իր ցեղասպան մարդու ձեռքով». Ռոբերտ Հայրապետյան
65Երեկ, 23:30«Սասո՛ւն Միքայելյան և կցորդներ, հավաքե՛ք ձեզ». Բագրատ Սրբազան (տեսանյութ)
67Երեկ, 23:18«Էդ ի՞նչ ձև ես թքում». Գևորգ Պետրոսյանը հանդիմանում է ոստիկանին (տեսանյութ)
80Երեկ, 23:00«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել (լուսանկար)
64Երեկ, 22:54