«Մի՞թե մենք և դուք քաղաքական հայրերի կատեգորիաներով ենք բանավիճելու». Լենա Նազարյան
«Ցավով եմ նշում, որ անգամ «Լուսավոր Հայաստան» խմբակցությունն ուղղակի խցանվել է անցյալում: Շատ հաճախ անհուսալի կերպով անցյալ համակարգին բնորոշ ընդդիմություն է ներկայանում իր մոտեցումներով, իր բառապաշարով, մտածելակերպով և վախերով: Պարո՛ն Մարուքյան, ցավոք, Ձեր ընդդիմադիրությունը դասական է ոչ միայն ժողովրդավարությանը բնորոշ լինելու իմաստով, այլ դասական է հին Հայաստանի ընդդիմությանը բնորոշ լինելու իմաստով: Դուք հիմա այնպիսի ընդդիմության դերով եք ներկայանում, ինչպիսին մենք ստիպված էինք եղել ներկայանալ նախորդ իշխանության ժամանակ: Եվ դա մեղմ ասած՝ լավ օրից չէր: Դուք կրկնում եք «Ելք» դաշինքը, մինչդեռ պետք է ելք գտնեք անցյալի ձևերից, հրաժարվեք անցյալի չափանիշներից: Անցյալի տեսակի ընդդիմադիրության ռեսուրսը սպառված է մեկընդմիշտ, որովհետև մերժված է, չկա նախորդ իշխանությունը: Ասել, թե մեզ դուր է գալիս լինել Սերժ Սարգսյան, նշանակում է լինել անհուսալի կերպով հին: Ասել՝ մեջ մի՛ ընկիր, երբ բանավիճում են քո քաղաքական պապայի հետ, նշանակում է վերարտադրել անցյալն ու անհուսալի կերպով լինել հին: Այս ի՞նչ բառապաշար է, մի՞թե մենք և Դուք քաղաքական հայրերի կատեգորիաներով ենք բանավիճելու»,- ԱԺ-ում դիմելով ԼՀԿ խմբակցության ղեկավար Էդմոն Մարուքյանին, ասաց ԱԺ փոխնախագահ Լենա Նազարյանը: Ինչպես նշեց Նազարյանը, մի առիթով ասվել է, թե պետական կառավարման համակարգն իներցիայով է շարժվում, ժամանակ և աշխատանք է պետք: Պատգամավորը պնդեց, թե իներցիայով է շարժվում նաև ընդդիմությունը, մեկ տարի անցնելուց հետո էլ ընդդիմությունը հետ է գնում: «Հիմա մարդկանց և երկրին անհրաժեշտ է նոր գործելաոճով կառավարվող ուժ և նույն գործելաոճով ընդդիմություն: Մի՞թե սա ակնհայտ չէ: Ոչ միշտ է ճիշտ լինել կլասիկ՝ հին Հայաստանի իմաստով: Դասականությունն արդեն մեկ անգամ Ձեզ խանգարել է և այն խանգարում է նաև հիմա: Պետք է աշխատել ինքներդ Ձեզ գերազանցելու համար: Դժվար է իհարկե, բայց դա է այսօր բոլորիս մարտահրավերը: Անկեղծորեն ուզում եմ, որ քաղաքական մշակույթն իրոք բարեփոխվի»,- ամփոփեց ԱԺ փոխնախագահը: |
«Շահրամանյան Սամվելը, կարծես, դրսևորում է գործակալական պահվածք»․ Արթուր Հովհաննիսյան
8013:06«Ուղղորդվում ենք Պուտինի կարծիքով»․ Աղալարով
11413:00«Հայաստանը վերածում են Արևմուտքի չափազանց վտանգավոր ծրագրերի իրականացման գործիքի»․ Զախարովա
13412:24«Պարզապես զառանցանք»․ Պուտինը՝ ՆԱՏՕ-ի վրա հնարավոր հարձակման մասին (տեսանյութ)
12612:00«ԼՂ-ից բռնի տեղահանված որոշ շրջանակներ ՀՀ անվտանգության համար սպառնալիք ստեղծող քայլեր են անում»․ Փաշինյան
10711:36«Ֆրանսիան Հայաստանին պատերազմի է դրդում»․ Ադրբեջանի ՊԱԾ տնօրեն
10311:30