«Սա ոտնձգություն է Հայաստանի դատական համակարգի նկատմամբ». Արման Բաբաջանյան
ԱԺ պատգամավոր Արման Բաբաջանյանը ֆեյսբուքյան իր էջում գրել է. «Երեկ Երևանի ընդհանուր իրավասության դատարանի Կենտրոն և Նորք-Մարաշ վարչական շրջանների դատարանի դատավոր Տաթևիկ Գրիգորյանի աշխատասենյակի պատուհանին կրակոց է արձակվել, ինչի առթիվ դատավորը դիմել է ոստիկանությանը: Դեպքի վայր մեկնած ոստիկաններն աշխատասենյակի ապակիների արանքում հայտնաբերել են կրակված գնդակ: Նշանակվել են դատաձգաբանական և դատաքիմիական փորձաքննություններ: Խստորեն դատապարտում եմ դատավորի նկատմամբ տեղի ունեցած նման անթույլատրելի ոտնձգությունը: Իրավապահ մարմինները պարտավոր են բացահայտել կատարվածը, դրա բոլոր դրդապատճառներն ու շարժառիթները և հանցագործին կամ հանցագործներին ենթակել խստագույն պատասխանատվության: Սա ոտնձգություն է ոչ միայն ու ոչ այնքան առանձին վերցրած դատավորի, որքան Հայաստանի դատական համակարգի, արդարադատության գաղափարի նկատմամբ ընդհանրապես: Պետությունը պարտավոր է խստագույն քրեաիրավական գնահատական տալ տեղի ունեցածին՝ ուղերձ հղելով առ այն, որ դատական համակարգն ամբողջության մեջ և դատավորներն անհատապես գտնվում են պետության պաշտպանության ներքո: Որպես Ազգային ժողովի պատգամավոր հետամուտ եմ լինելու կատարված հանցագործության լիրարժեք բացահայտմանն ու դրա հեղինակներին պատասխանատվության կանչելուն: Հայաստանին օդ ու ջրի պես անհրաժեշտ է անկախ դատական համակարգ: Սակայն դատական համակարգը չի կարող անկախ և անկաշկանդ գործել, եթե ապահովված չեն դատավորների տարրական ֆիզիկական անվտնագության պայմանները»: |
Երևանում ԱԺԲ–ի ակցիայի 96 մասնակից է բերման ենթարկվել
1500:48«Նվիրվածությունը ազգային շահերին ու անվտանգությանը պետք է դառնան քաղաքական զարթոնքի հիմնաքար». Դավիթ Անանյան
2500:36«Ծիծեռնակաբերդում երեխեք կային, որոնց ծնողները զոհվել են ցինիկ Աննայի ու իր ցեղասպան մարդու ձեռքով». Ռոբերտ Հայրապետյան
65Երեկ, 23:30«Սասո՛ւն Միքայելյան և կցորդներ, հավաքե՛ք ձեզ». Բագրատ Սրբազան (տեսանյութ)
67Երեկ, 23:18«Էդ ի՞նչ ձև ես թքում». Գևորգ Պետրոսյանը հանդիմանում է ոստիկանին (տեսանյութ)
80Երեկ, 23:00«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել (լուսանկար)
64Երեկ, 22:54