Երևան`   +26 °C
Այսօր`   Երկուշաբթի, 13 հուլիսի, 2020 թ.

Վրաստանի ՆԳ նախարարությունն ուսումնասիրում է Սաակաշվիլիի հայտարարությունը

185
Երեքշաբթի, 14 հունվարի, 2020 թ., 19:20
Վրաստանի ՆԳ նախարարությունն ուսումնասիրում է Սաակաշվիլիի հայտարարությունը

Վրաստանի Ներքին գործերի նախարարությունն ուսումնասիրում է 2019 թվականի հունիսի 20-21-ի դեպքերի վերաբերյալ Վրաստանի նախկին նախագահ Միխայիլ Սաակաշվիլիի՝ «Մթավարի» ալիքի եթերում արած հայտարարությունը:

Նշված հայտարարությունը, ըստ երկրի ՆԳՆ-ի, տալիս է ենթադրելու հիմք, որ պետական իշխանության բռնության ճանապարհով տապալելու փորձ է տեղի ունեցել Սաակաշվիլիի ղեկավարությամբ, գրում է alig.ge-ն:

«Նախօրեին լրատվամիջոցներից մեկի եթերում նախկին նախագահ Միխաիլ Սաակաշվիլին հանդես եկավ հայտարարությամբ, որի համաձայն «2019 թվականի հունիսի 20-ին Բիձինա Իվանիշվիլիին շատ քիչ էր մնացել: Մի քիչ էլ և այս ռեժիմը կտապալվեր: Այն ժամանակ, իմ կարծիքով, պահը բաց թողնվեց»,- այս հայտարարությունը բավական է ենթադրելու համար, որ 2019 թվականի հունիսի 20-ին Սաակաշվիլիի անմիջական մասնակցությամբ և ղեկավարությամբ, տեղի է ունեցել պետական ​​իշխանությունը տապալելու ակնհայտ փորձ»,- ասվում է ՆԳՆ-ի հայտարարությունում: