Երևան`   +18 °C
Այսօր`   Շաբաթ, 15 օգոստոսի, 2020 թ.

Քաղաքացիական ավիացիայի կոմիտեն՝ «Ryanair»-ի հետաձգված չվերթների մասին

230
Երկուշաբթի, 13 հունվարի, 2020 թ., 22:45
Քաղաքացիական ավիացիայի կոմիտեն՝ «Ryanair»-ի հետաձգված չվերթների մասին

Հայաստանի Քաղաքացիական ավիացիայի կոմիտեն ֆեյսբուքյան պաշտոնական էջում հայտարարություն է տարածել. «Տեղեկացնում ենք, որ Իտալիայի օդային երթևեկության կառավարման որոշ արհմիությունների կողմից հայտարարվել է սույն թվականի հունվարի 14-ին գործադուլ՝ չորս ժամ տևողությամբ: Այն նախատեսվում է սկսել Իտալիայի տեղական ժամանակով ժամը 13:00-ից մինչև 17:00, որի ընթացքում մի շարք թռիչքներ չեղարկվելու են: Հաշվի առնելով այն փաստը, որ հունվարի 14-ին նախատեսվում է իրականացնել Ryanair ավիաընկերության առաջին թռիչքները դեպի Զվարթնոց օդանավակայան իտալական Հռոմ և Միլան քաղաքներից, ուստի անհրաժեշտություն է առաջացել թռիչքները իրականացնել ուշացումներով, նախապես սահմանված չվացուցակի ապահովման անհնարինության պատճառով:

Համաձայն Ryanair ավիաընկերությունից ստացված տեղեկատվության՝

Միլան-Երևան FR4456 չվերթը Միլանի օդանավակայանից կմեկնի հունվարի 14-ին Միլանի ժամանակով ժամը 08:40-ին:

Երևան-Միլան FR4457 չվերթը Զվարթնոց օդանավակայանից կմեկնի հունվարի 14-ին տեղական ժամանակով ժամը 16:20-ին: ​

Հռոմ-Երևան FR4454 չվերթը Հռոմի օդանավակայանից կմեկնի հունվարի 14-ին Հռոմի ժամանակով ժամը 17:00-ին:

Երևան-Հռոմ FR4455 չվերթը Զվարթնոց օդանավակայանից կմեկնի հունվարի 15-ին տեղական ժամանակով ժամը 00:20-ին: ​ ​

Ուղևորներին հորդորում ենք հետևել Ryanair-ի կողմից ստացվող հաղորդագրություններին»: