«Արցախի կարգավորման վերաբերյալ որևէ փաստաթուղթ չի քննարկվում». Աննա Նաղդալյան
«ՀՀ դիրքորոշումը Լեռնային Ղարաբաղի հարցում հստակ ներկայացվել է վերջին անգամ՝ արտգործնախարարի՝ Բրատիսլավայում ծավալուն ելույթի ժամանակ: Նշվել է, որ կարգավորման հիմքն Արցախի ժողովրդի ինքնորոշման ճանաչումն է: Ինքնորոշման իրավունքը պետք է իրացվի առանց սահմանափակման և հարկադրման: Առանց սահմանափակման ասելով՝ մենք նկատի ունենք, որ Արցախի ժողովուրդը կարող է որոշել ինքնորոշման ցանկացած տարբերակ, այն է՝ Արցախի ժողովուրդը իրավունք ունի պահպանել և սահմանել իր կագավիճակը՝ Ադրբեջանի ինքնիշխանությունից և տարածքային ամբողջականությունից դուրս: Այն բոլոր առաջարկները, որոնք չեն ապահովում Արցախի ժողովրդի ինքնորոշման իրավունքի իրացումը, չեն կարող ընդունելի լինել Հայաստանի համար». դեկտեմբերի 13-ին լրագրողների հետ հանդիպմանն ասաց ԱԳՆ մամուլի խոսնակ Աննա Նաղդալյանը՝ անդրադառնալով Ադրբեջանի ԱԳ նախարարի՝ CBC հեռուստաալիքին տված հարցազրույցում հնչեցրած գնահատականներին: Ըստ Ա.Նաղդալյանի՝ Ադրբեջանն իր 30-ամյա հայատյաց քաղաքականությամբ փաստել է, որ չի կարող ապահովել Արցախի ժողովրդի անվտանգությունը: Վերջերս Ադրբեջանը ՀՀ-ին մեղադրում էր Սումգայիթի ջարդերը կազմակերպելու մեջ: Նման պայմաններում ավելորդ է դիտարկել Ադրբեջանի կողմից հայ ժողովրդի անվտանգության երաշխավորման հնարավորությունը: «Հայաստանն Արցախի անվտանգության երաշխավորն է, և Արցախի անվտանգությունը զիջման ենթակա չէ»,- կրկին պնդեց ԱԳՆ մամուլի խոսնակը: Նրա գնահատմամբ՝ ադրբեջանական կողմը կամ ընկալման խնդիրներ ունի, կամ պարզապես չի ցանկանում ընկալել: «Բայց այս պարագայում կարող եմ ասել, որ Ադրբեջանը բավականին լավ ընկալում է անվտանգության այն բոլոր դիտարկումները, որոնք հայկական կողմն է ներկայացնում, պարզապես ձևացնում են, որպեսզի կարողանան արդարացնել իրենց առավելապաշտական դիրքորոշումը: Արցախի և Հայաստանի պարագայում սպառանալիքի լեզուն չի գործելու: Հարցի չկարգավորման հիմնական պատճառն Ադրբեջանի առավելապաշտական դիրքորոշումն է: Եվ դրա հիման վրա առաջընթաց դժվար է ակնկալել: Իսկ ինչ վերաբերում է բանակցային սեղանին ինչ-որ փաստաթուղթ, այդ թվում՝ Լավրովի պլան լինելուն, ապա ՀՀ արտաքին քաղաքական գերատեսչության խոսնակի պնդմամբ՝ որևէ փաստաթուղթ չի քննարկվում»: |
«Ադրբեջանի և Հայաստանի միջև 10-12 կմ սահմանը կարելի է համարել սահմանազատված». Ալիև
001:00«Մերժում ենք միակողմանի հայտարարությունները»․ Թուրքիայի ԱԳՆ
5900:00Աննա Հակոբյանը խոժոռում է հայացքն ու երկար զայրացած նայում «Արցախը Հայաստան է» ասող լրագրողին (տեսանյութ)
103Երեկ, 19:18«Սա դասական քաղաքական հետապնդում է»․ Սուրեն Պետրոսյանի պաշտպան (տեսանյութ)
92Երեկ, 19:00«Բացառված չէ, որ Ալիևն ու Պուտինը քննարկել են «Զանգեզուրի միջանցքը»»․ ռուս քաղաքագետ
160Երեկ, 17:24ԱՄՆ Գաղտնի ծառայությունը քննարկում է ձերբակալության դեպքում Թրամփին պաշտպանելու ծրագիրը
245Երեկ, 17:00