Սիրիայի զինված ուժերը կրակ են բացել թուրքական զորքերի ուղղությամբ

Սիրիական բանակի ստորաբաժանումները երեքշաբթի կրակ են բացել թուրքական զորքերի ուղղությամբ՝ Հասեք նահանգի սահմանամերձ Թել-Թամեր շրջանի արևմուտքում: Ըստ սիրիական Al Ekhbariya հեռուստաընկերության տվյալների՝ թուրքական ուղղությամբ կրակ է բացվել Լեյլան, Ումմ ալ-Խեիր և Ալ-Քուսեյլիա բնակավայրերի մոտակայքում: Զոհերի մասին տեղեկություններ դեռևս չկան:
Թել Թամերի շրջանը հիմնականում բնակեցված է ասորի քրիստոնյաներով: Թուրքական զորքի կողմն անցած սիրիական զինված ընդդիմության հարձակման արդյունքում այդ շրջանի բազմաթիվ բնակիչներ տեղահանվել են և բնակություն հաստատվել հարևան Հասեքի գավառում, որը գտնվում է 40 կմ հեռավորության վրա: