«Այս գործընթացը կարևոր իրողություն է բացահայտում». Արսեն Խառատյան
Նիկոլ Փաշինյանի նախկին խորհրդական Արսեն Խառատյանը ֆեյսբուքյան իր էջում գրել է. «Աջակցել ՀՅԴ-ի ներքին հեղափոխությանը. ՀՀ ԿԳՄՍ նախարարի դեմ «Հայ հեղափոխական դաշնակցության» մի մասի կողմից սանձազերծած արշավը մի կողմից պարզ մանիպուլյատիվ բնույթ ունի, մյուս կողմից՝ վտանգավոր է, քանի որ այն պառակտման հիմքեր է ստեղծում հատկապես Հայաստանից դուրս բնակվող մեր ժողովրդի տարբեր հատվածների միջև: Քաղաքական մեծամասնության կողմից հայոց լեզուն վտանգելու մասին մտացածին թեզերին անիմաստ եմ համարում անդրադառնալ այն պարզ պատճառով, որ դրանք պարզապես աղերս չունեն իրականության հետ: Սակայն, այս գործընթացը մեկ այլ կարևոր իրողություն է բացահայտում, այն է՝ «Հայ հեղափոխական դաշնակցություն» ազգային-քաղաքական կառույցի ներքին ռեֆորմացիայի անհրաժեշտությունն ու դրա ջատագովների առկայությունը: ՀՅԴ-ում վաղուց է հասունացել սերնդափոխության ու ներքին հեղափոխության անհրաժեշտությունը և այս գործընթացին պետք է փորձել ուղղակի և անուղղակի կերպով նպաստել, այլ կերպ ասած՝ խրախուսել հայկական հեղափոխության մուտքը ՀՅԴ: Եթե ելնելու լինենք այս դիրքից, ապա գործող քաղաքական մեծամասնությունը պետք է դադարեցնի ուղիղ կոնֆրոնտացիան և զերծ մնա ընդհանրական մեղադրանքներից: Բարձր քաղաքական մակարդակում արվող հայտարարություններում պետք է հստակեցնել, որ ՀՅԴ-ն համարվում է կարևոր արժեք մեր ժողովրդի համար, ինչի մասին վարչապետ Փաշինյանը նշել է նախկինում՝ ասելով, որ Դաշնակցությանը հարգանքով է վերաբերվում՝ որպես ավանդական կուսակցություն: Մի քայլ էլ առաջ անցնելով՝ պետք է սկսել ուղիղ խոսել ավանդական այս կառույցի երիտասարդ, իդեալիստ, հայրենասեր ու առաջադեմ հատվածի հետ, խրախուսել նրանց՝ կառույցն առողջացնելու ջանքերը, այնպես, ինչպես եղավ 2018-ին, երբ փոփոխությունների ծարավ Հայաստանի պետական կառավարման համակարգի առողջ հատվածը միացավ հեղափոխությանն ու աջակցեց դրա հաղթանակին»: |
Երևանում ԱԺԲ–ի ակցիայի 96 մասնակից է բերման ենթարկվել
1500:48«Նվիրվածությունը ազգային շահերին ու անվտանգությանը պետք է դառնան քաղաքական զարթոնքի հիմնաքար». Դավիթ Անանյան
2500:36«Ծիծեռնակաբերդում երեխեք կային, որոնց ծնողները զոհվել են ցինիկ Աննայի ու իր ցեղասպան մարդու ձեռքով». Ռոբերտ Հայրապետյան
65Երեկ, 23:30«Սասո՛ւն Միքայելյան և կցորդներ, հավաքե՛ք ձեզ». Բագրատ Սրբազան (տեսանյութ)
67Երեկ, 23:18«Էդ ի՞նչ ձև ես թքում». Գևորգ Պետրոսյանը հանդիմանում է ոստիկանին (տեսանյութ)
80Երեկ, 23:00«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել (լուսանկար)
64Երեկ, 22:54