«ՍԴ-ի դատավորներին վաղաժամ թոշակի ուղարկելը հայոց պետականության նկատմամբ վիրավորանք է». Տիգրան Աթանեսյան
«Սահմանադրական դատարանի դատավորներին վաղաժամ թոշակի ուղարկելը հայոց պետականության նկատմամբ վիրավորանք է: Սա այնպիսի ապտակ է, որից հետո շատ երկար ժամանակ է պետք իրավական համակարգի նկատմամբ հարգանքը վերականգնելու համար»,- «Արմնյուզ» հեռուստաընկերության եթերում ասել է փաստաբան Տիգրան Աթանեսյանը՝ անդրադառնալով կառավարության կողմից հավանության արժանացած ՍԴ դատավորներին վաղաժամ թոշակի ուղարկելու օրինագծին: Փաստաբան Լուսինե Սահակյանն էլ նշել է, որ այս օրինագծով իշխանությունն ասում է ՍԴ դատավորներին. «Մենք դժգոհ ենք ձեզնից, ուզում ենք ազատվել ձեզնից և ուղարկում ենք վաղաժամ թոշակի»: «Այլընտրանքային նախաձեռնություն» խմբի անդամ Էլինար Վարդանյանը եթերի ընթացքում նշել է, թե չի հասկանում՝ ինչ է նշանակում Սահմանադրական դատարանի ճգնաժամ, եթե այդ կառույցը բնականոն աշխատում է: Նրա խոսքով՝ շատ կարևոր է, որ ՀՀ նախագահ Արմեն Սարգսյանը միջնորդի, որ Վենետիկի հանձնաժողովից այս նախագծի վերաբերյալ կարծիք գա: Անդրադառնալով աղմկահարույց գործերով ընթացող դատավորություններին ու նոր քրգործերին՝ Տիգրան Աթանեսյանն ասել է, որ իշխանությունը կարող է բոլորին մեղադրանք առաջադրել, ովքեր որևէ փուլում ղեկավարել են Հայաստանը: Էլինար Վարդանյանի դիտարկմամբ՝ հանրությանը դուր են գալիս տեսարանները, և հենց այդ տեսարանները քչանում են, փորձում են բարձրացված գործերի շրջանակներում նորերն ապահովել: Մանրամասները՝ տեսանյութում: |
«Շահրամանյան Սամվելը, կարծես, դրսևորում է գործակալական պահվածք»․ Արթուր Հովհաննիսյան
8013:06«Ուղղորդվում ենք Պուտինի կարծիքով»․ Աղալարով
11413:00«Հայաստանը վերածում են Արևմուտքի չափազանց վտանգավոր ծրագրերի իրականացման գործիքի»․ Զախարովա
13412:24«Պարզապես զառանցանք»․ Պուտինը՝ ՆԱՏՕ-ի վրա հնարավոր հարձակման մասին (տեսանյութ)
12612:00«ԼՂ-ից բռնի տեղահանված որոշ շրջանակներ ՀՀ անվտանգության համար սպառնալիք ստեղծող քայլեր են անում»․ Փաշինյան
10711:36«Ֆրանսիան Հայաստանին պատերազմի է դրդում»․ Ադրբեջանի ՊԱԾ տնօրեն
10311:30