Երևան`   +1 °C
Այսօր`   Շաբաթ, 14 դեկտեմբերի, 2019 թ.

«Բենզինային ցույցեր» Իրանում. զոհերի թիվն անցնում է մի քանի տասնյակը

409
Երկուշաբթի, 18 նոյեմբերի, 2019 թ., 22:55
«Բենզինային ցույցեր» Իրանում. զոհերի թիվն անցնում է մի քանի տասնյակը

Առնվազն 40 մարդ է մահացել Իրանում և հարյուրավորները տուժել են անկարգությունները ճնշելու փորձերի ժամանակ, գրում է Reuters-ը: Զոհերի թվում կան մի քանի իրավապահներ: 1000-ից ավելի մարդ ձերբակալվել է: Միևնույն ժամանակ երկրի ղեկավարությունը հայտնում է ընդամենը 2 զոհի մասին: Հիշեցնենք, որ Իրանում անկարգություներն սկսվել են վառելիքի գնի կրկնակի աճի պատճառով:

Երկրի ամբողջ տարածքում անջատված է ինտերնետը: Այդ է պատճառը, որ երկրում տեղի ունեցող իրադարձությունների մասին դժվար է ստույգ տեղեկատվություն ստանալ:

Սպահան քաղաքում այսօր այրվել է մեծ վահանակ՝ երկրի գերագույն հոգևոր առաջնորդ այաթոլլահ Սեիդ Ալի Համենեի պատկերով: Ինչպես հաստատում են արտասահմանում գտնվող իրանցի իրավապաշտպանները՝ ոստիկանական ուժերը ցուցարարների նկատմամբ կիրառում են մարտական փամփուշտեր, ցույցերը ցրելու հատուկ միջոցներ՝ ջրային շիթ, արցունքաբեր գազ և այլն:

Երկրի նախագահ Հասան Ռոուհանին հայտարարել է, որ քաղաքացիներն իրավունք ունեն իրենց բողոքը հայտնելու թանկացումներ դեմ, սակայն տեղի ունեցածը երկրի անվտագությունն ու կայունությունը խաթարելու փորձեր են: Նա նշել է, որ թանկացման որոշումը կայացրել են երկրի իշխանության երեք ճյուղերը համատեղ՝ գործելով համաձայն օրենքի:

Ավելի վաղ թանկացման մասին որոշումը արդարացրել էր նաև Իրանական հեղափոխության առաջնորդ Ալի Համենեին:

«Բենզինային ցույցեր» Իրանում. զոհերի թիվն անցնում է մի քանի տասնյակը