«Դաշնակները մեկ «հեղափոխություն» էին անում Տեր-Պետրոսյանի իշխանության տարիներին, մեկ էլ ուզում են հիմա անել». Լիզա Ճաղարյան

Լրագրող Լիզա Ճաղարյանը ֆեյսբուքյան իր էջում գրել է. «Դաշնակները մեկ «հեղափոխություն» էին անում Լևոն Տեր-Պետրոսյանի իշխանության տարիներին՝ պատերազմի ամենաթեժ շրջանում, մեկ էլ ուզում են «հեղափոխություն» անել հիմա։
Միջակայքի անիծյալ 20 տարիների ընթացքում ռոբասերժիկները Հայաստանը թալանում էին թաթար-մոնղոլներից ավելի վայրենաբար, սրանց օրոք Հոկտեմբերի 27 ու Մարտի 1 եղավ, հարյուրավոր քաղաքացիներ խոշտանգվեցին ու բանտերը լցվեցին...
Էդ տարիներին դաշնակների միակ, այսպես կոչված՝ «հեղափոխությունը» արտահայտվեց «նախագահ, մի զիջիր» ողորմելի, լղրճուկ, փսլնքոտ կոչով։
Որովհետև ձեռ ձեռի էին ճանապարհ անցել թաթար-մոնղոլների հետ, անգիր գիտեին, որ դրանք էլ իրենցից պակաս արնախում չեն։
Հիմա նորից «միակ տղամարդ» են դարձել։ Գիտեն, որ էդ նույն արնախումները հիմա էլ «հեղափոխականների» ճամբարում են։
Հուսով եմ՝ իշխանություններն էլ չեն մոռացել ու հասկանում են, թե էս զառամախտով տառապողներն ինչերի են ընդունակ»։