ԱՄՆ-ի վարչակազմը դեմ է Թուրքիայի նկատմամբ պատժամիջոցների սահմանմանը և Հայոց ցեղասպանության բանաձևի ճանաչմանը. Bloomberg

ԱՄՆ-ի նախագահ Դոնալդ Թրամփի վարչակազմը դեմ է Թուրքիայի նկատմամբ պատժամիջոցների սահմանմանը և Հայոց ցեղասպանության բանաձևի ճանաչմանը՝ համարելով, որ այս երկու փաստաթղթերը կարող են էլ ավելի վատթարացնել ՆԱՏՕ-ի առանցքային դաշնակիցի հետ հարաբերությունները, գրում է Bloomberg-ը՝ հղում անելով ԱՄՆ պետդեպարտամենտի բարձրաստիճան պաշտոնատար անձի: «Վարչակազմը մտավախություն ունի, որ Սիրիայում Թուրքիայի ռազմական գործողությունների պատճառով Ներկայացուցիչների պալատում նախորդ շաբաթ ընդունված պատժամիջոցները կկապեն ԱՄՆ-ի ձեռքերը»,-հայտարարել է պաշտոնյան, ով չի ցանկացել հայտնել իր անունը: Նա նաև չի ցանկացել հայտնել, թե նախագահ Թրամփը մտադիր է վետո սահմանել օրինագծի նկատմամբ, թե ոչ:
Անանուն պաշտոնյայի խոսքով՝ Հայոց ցեղասպանության մասին բանաձևի ընդունումը և Սիրիայում թուրքական գործողությունների դատապարտումը կարող է հանգեցնել այնպիսի օրենսդրության ընդունմանը, որը կդիտարկվի որպես պատժիչ, այլ ոչ թե հիմնարար: