«Կոռուպցիա չկա բղավելով՝ առողջապահության նախարարի տեղակալին բռնեցին 3 հազար դոլար կաշառքը ձեռքին». Գևորգ Գրիգորյան
«Կոռուպցիա չկա բղավելով՝ առողջապահության նախարարի տեղակալին բռնեցին 3 հազար դոլար կաշառքը ձեռքին: Եթե կոռուպցիան չի կանխարգելվում, որքան էլ պատժվեն, միևնույն է, դրական արդյունք չենք ունենալու: Հակակառուպցիոն ռազմավարության 2 տոկոսն է կատարվել միայն: Որևէ գործնական քայլ կոռուպցիոն ռիսկերի նվազեցման ուղղությամբ չի արվել». նոյեմբերի 6-ին լրագրողների հետ հանդիպմանը հայտարարեց Հայկական առողջապահական ազգային խորհրդի նախագահ Գևորգ Գրիգորյանը: Նա նշեց, որ չի ողջունում ծխելը, սակայն հակածխախոտային պայքարը պետք է լինի ինստիտուցիոնալ և գիտական հիմքերի վրա, այլ ոչ թե կոռուպցիոն ռիսկեր պարունակող օրենք ստեղծելով: Ըստ նրա՝ առողջապահության նախարարը սկսել է հիվանդանոցներն իր ձեռքի տակ վերցնել, յուրայիններին նշանակել: «Օրինակ՝ ԵՊԲՀ ղեկավարության վերաբերյալ կարծիք է հայտնում՝ ես ուզում եմ, որ լավ ռեկտոր ունենա: Դա ի՞նչ է նշանակում: Դա պաշտոնական դիրքի իրական չարաշահում է: Փաստ չի բերվում, որ ղեկավարումը սխալ է, ո՜չ, նախարարի ցանկությունն է»,- հայտարարեց Գրիգորյանը: Նա դրա մեջ քաղաքական հետապնդում է տեսնում, որովհետև ի պաշտոնե առողջապահության նախարարը ԵՊԲՀ-ի հետ կապված լիազորություններ չունի: Խոսվում է գիտության ֆինանսավորման աճից, սակայն բժիշկներ են կրճատվում: «Ռուսերեն մի արտահայտություն կա՝ «Меньше народа, больше кислорода». եթե բժիշկները քիչ լինեն, գումարները կտնտեսվեն, ոլորտի ֆինանսավորումը այլ կենտրոնների կավելանա: Դրա համար պետք չէ փայլուն տնտեսագետ լինել»,- ասաց նա: Գ.Գրիգորյանը նկատեց, որ եթե երկրի առաջին դեմքն այս ամենը տեսնում և հանդուրժում է, դա շատ վատ է, իսկ եթե չի տեսնում, ապա կոչ է անում, որ տեսնի: Նրա գնահատմամբ՝ ակնհայտ ստի մեջ ենք ապրում: Նախարարը վարչապետին ասում է, որ վերարտադրողական առողջության ծրագիրն էլեկտրոնային հերթագրմամբ է, սակայն առողջապահության նախարարությունը լրատվամիջոցին պատասխանում է, որ հերթագրումը թղթային է: «Այսինքն՝ առողջապահության նախարարը երկրի առաջին դեմքի՝ վարչապետի մոտ ստում է»,-եզրակացրեց Գ.Գրիգորյանը: Նա հայտնեց, որ կոռուպցիոն ռիսկերի վերբերյալ իրենց դիտարկումները ներկայացրել են ԱԺ փոխնախագահ Լենա Նազարյանին, պատգամավոր Հերիքնազ Տիգրանյանին, վարչապետի աշխատակազմի ղեկավարի տեղակալ Լիանա Ղալթախչյանին: Ստացել են միայն Հ.Տիգրանյանի պատասխանը, թե դա իրենց իրավասության մեջ չէ: |
Հիվանդանոցներում պետպատվերով բուժումները կասեցվել են. «Ժողովուրդ»
12319.04.2024, 08:30«Հնարավոր չէ պարզել՝ այդ մարդու կիստա՞ն է, թե՞ քսերոքս արած «տիպային» կիստա»․ Փաշինյան (տեսանյութ)
24618.04.2024, 12:24Հերթն Անահիտ Ավանեսյանինն է. «Ժողովուրդ»
28518.04.2024, 09:06Մանրամասներ՝ երրորդ հարկից ընկած երեխայի առողջական վիճակից
47117.04.2024, 21:48Առողջապահության նախարարության շուրջ սկսված գործողությունների ֆոնին՝ Թորոսյանը նախարարի պաշտոնի համար ընկերոջ PR-ով է սկսել զբաղվել. «Ժողովուրդ»
56717.04.2024, 09:06«Լրատվականներից եմ տեղեկացել խուզարկության մասին»․ Անահիտ Ավանեսյան (տեսանյութ)
81016.04.2024, 16:06