Երևան`   +10 °C
Այսօր`   Հինգշաբթի, 28 մարտի, 2024 թ.

Քթի խոռոչում թաքցրած մարիխուանան հանել են 18 տարի անց

2228
Ուրբաթ, 01 նոյեմբերի, 2019 թ., 22:10
Քթի խոռոչում թաքցրած մարիխուանան հանել են 18 տարի անց

Բժիշկները 48-ամյա ավստրալացու քթի խոռոչից հանել են մարիխուանայի փաթեթիկը, որը նա այնտեղ թաքցրել էր 18 տարի առաջ: Այս մասին հայտնում է Ars Technica-ն: 2001 թվականին տղամարդը կալանավայրում է եղել, երբ նրան այցելել է ընկերուհին ու գաղտնի տվել մարիխուանայի փոքրիկ փաթեթ: Ցանկանալով այն հուսալի տեղ թաքցնել՝ տղամարդն այն կոխել է քթանցքը: Երբ փորձել է հանել, այն ավելի խորն է գնացել և տղամարդը կարծել է, թե ինքը կուլ է տվել թմրանյութը: Դրանից հետո նա մոռացել է միջադեպի մասին, թեև մշտապես զգացել է, որ աջ քթանցը դժվար է շնչում: Նա նաև տառապել է քթի խոռոչների հաճախակի բորբոքումներից, բայց դա չի կապել մարիխուանայի փաթեթի հետ:

Երբ 18 տարի անց նա վերջապես դիմել է բժշկի՝ բողոքելով գլխացավերից, նրան համակարգչային շերտագրություն են արել ու գտել կորուստը: Բժիշկները հեռացրել են ռինոլիտի վերածված օտար մարմինը: