«Նաիրի Հունանյանը պետք է նախ հանդես գա ասելիքով». Անդրանիկ Քոչարյան
«Նաիրի Հունանյանը, եթե հիմա այդպիսի ցանկություն ունի, եթե ունի ինֆորմացիա, որն էապես հնարավորություն կտա Հայաստանի Հանրապետությանն իմանալու, թե վերջապես հոկտեմբերի 27-ին ի՞նչ է տեղի ունեցել, պետք է նախ հանդես գա ասելիքով»,- այսօր Ազգային ժողովում անդրադառնալով Նաիրի Հունանյանի վաղաժամկետ ազատ արձակման դիմումին, ասաց ԱԺ պաշտպանության և անվտանգության հարցերով հանձնաժողովի նախագահ Անդրանիկ Քոչարյանը: Ըստ Անդրանիկ Քոչարյանի՝ Նաիրի Հունանյանն ընդամենը ցանկություն է հայտնել 20 տարի հետո հայտնվել ազատության մեջ, սակայն կարծում է, որ այդպիսի հանցագործություն կատարած մարդը, որ 20 տարի զրկել է երկիրը զարգացման հեռանկարից, դրա իրավունքը չունի. «Նա հնարավորություն է տվել այլ ուժերի՝ մեր երկիրը մտցնել կոռուպցիոն այնպիսի համակարգի մեջ, որից հնարավոր եղավ ազատվել 20 տարի հետո միայն: Այդ կոռուպցիոն համակարգն էր, որ պահում էր իշխանությունը: Այդ օլիգարխիկ կոռուպցիոն համակարգն էր, որը ընտրությունից ընտրություն սպասարկում էր իշխանության վերնաշերտին, և այսօր էլ այդ վերնաշերտը, տեսնում եք, ինչպիսի կատաղի պայքար է տանում հնարավոր բացահայտումներին խոչընդոտելու համար: Դա լինի մարտի 1, թե ապրիլյան քննության հանձնաժողով»,- նկատեց Ա. Քոչարյանը: Խոսելով Հունանյանի հոգեկան խնդիրներից՝ ասաց, որ իր տեղեկություններով հոգեկան խնդիրներ ունեցել է նաև նրա մայրը, որը մի քանի տարի առաջ մահացավ, քեռին, որը մեկուսարանում կախվեց անհայտ պայմաններում: «Հոգեկան խնդիրներ չէին կարող չունենալ Նաիրի Հունանյանի խմբի անդամները, որովհետև հոգեկան շեղումներով մարդկանց են միշտ օգտագործում նման հանցագործությունների համար»: Հարցին՝ ի՞նչ ազդակ կարող է լինել Հունանյանի՝ վաղաժամկետ ազատ արձակվելու մասին դիմումը, Անդրանիկ Քոչարյանն ասաց. «Երևի որոշ մարդիկ իրեն հույս են տվել, որ այդպիսով կարող է հնարավորություն ունենալ ազատության մեջ հայտնվելու, բայց դա իշխանությունների հետ ոչ մի կապ չունի»: ԱԺ պաշտպանության և անվտանգության հարցերով հանձնաժողովի նախագահը կարծում է, որ Ռոբերտ Քոչարյանը նույնպես պետք է ասելիք ունենա. «Որովհետև 27-ի օրը նախագահականում հանդիպում էր բարձրաստիճան ինչ-որ պաշտոնյայի հետ և այնտեղ հրավիրել էր Վազգեն Սարգսյանին, որին փորձում էր համոզել, որ չարժի այդ օրը գնալ Ազգային ժողով: Ես դա մի քիչ այլ կոնտեքստում եմ նայում. դա նշանակում է, որ նախաքննական մարմինը նոր հանգամանքերի պայմաններում դեռ շատ հարցերի ուսումնասիրման հնարավորություն պետք է ունենա, որից իրեն զրկել են 20 տարի առաջ: Քսան տարի առաջ Ռոբերտ Քոչարյանը պետք է ամեն ինչ աներ, որ 27-ը օր առաջ բացահայտվեր»,- եզրափակեց Անդրանիկ Քոչարյանը: |
«Արցախը հանձնեց, անցավ Հայաստանին»․ Տաթևիկ Հայրապետյան
4300:54«Կայուն և հարատև խաղաղության հաստատման համար սահմանազատման և սահմանագծման գործընթացը շատ կարևոր է»․ Թորոսյան
76Երեկ, 23:00«Ճանապարհի այդ հատվածի հանձնումը քրեական հանցագործություն է»․ Մեսրոպ Առաքելյան
83Երեկ, 22:24«Ողջունում ենք Երևանի ու Բաքվի պայմանավորվածությունը»․ Կլաար
82Երեկ, 22:18«Տպավորություն ունեմ, որ ոչ մեկ չի ուզում իշխանություն վերցնել»․ Բաբկեն Պիպոյան
88Երեկ, 22:06«Բոլոր պատգամավորներն անձնական պատասխանատվություն են կրում այսօրվա իրավիճակի համար»․ Էդգար Ղազարյան
79Երեկ, 21:36