Երևան`   +6 °C
Այսօր`   Երեքշաբթի, 19 մարտի, 2024 թ.

«Ֆեյսբուք»-ում «Պահանջում ենք Գլխավոր դատախազի հրաժարականը» անվամբ էջ է բացվել

474
Երկուշաբթի, 21 հոկտեմբերի, 2019 թ., 16:10
«Ֆեյսբուք»-ում «Պահանջում ենք Գլխավոր դատախազի հրաժարականը» անվամբ էջ է բացվել

«Ֆեյսբուք»-ում բացվել է «Պահանջում ենք Գլխավոր դատախազի հրաժարականը» էջը, որտեղ նշված է, որ այն ծառայելու է Արթուր Դավթյանի անցած ուղին ու ներկայիս «սխրագործությունները» ներկայացնելուն։

Ստորև վերջին գրառումներից մեկը.

«Հարցում ՀՀ գլխավոր դատախազ Արթուր Դավթյանին

Արդյո՞ք իրականություն է այն, որ Ձեր սանիկ Սարգիս Թարխանյանի ավտոմեքենային պետհամարանիշի փոխարեն ամրակցված է 78 AM 001 հաշվառումից հանված համարանիշը։ Եթե նշված համարանիշը հաշվառումից հանված չէ, ապա ո՞ւմ անունով է գրանցված այն։
Արդյո՞ք իրականություն է, որ Ձեր բարեկամ Արթուր Բաղդասարյանի ավտոմեքենային ամրակցված է հաշվառումից հանված 353 LV 61 համարանիշը։ Եթե նշված համարանիշը հաշվառումից հանված չէ, ապա ո՞ւմ անունով է գրանցված այն։

Ի դեպ, Սարգիս Թարխանյանը ՀՀ գլխավոր դատախազի վարորդն է և համատեղությամբ Անվտանգության վարչության պետը...»: