Երևան`   +6 °C
Այսօր`   Երեքշաբթի, 19 մարտի, 2024 թ.

Թուրինի կենտրոնում ՅՈՒՆԵՍԿՕ-ի Համաշխարհային ժառանգության ցանկում ներառված շենք է այրվում

813
Երկուշաբթի, 21 հոկտեմբերի, 2019 թ., 14:30
Թուրինի կենտրոնում ՅՈՒՆԵՍԿՕ-ի Համաշխարհային ժառանգության ցանկում ներառված շենք է այրվում

Թուրինի կենտրոնում գտնվող Cavallerizza Reale պատմական շենքը սկսվել է այրվել երկուշաբթի առավոտյան, տեղեկացնում է TASS գործակալությունը՝ հղում կատարելով իտալական ANSA կայքին։ Հրդեհը շինության տանիքում սկսվել է առավոտյան 8-ին, այնուհետև տարածվել։

Cavallerizza Reale համալիրը կառուցվել է XVII դարում, երբ Թուրինը հանդիսանում էր Սավոյան դքսության վարչական մայրաքաղաքը: Այն համարվում է բարոկկո ոճի ճարտարապետության նմուշներից մեկը և ընդգրկվել է ՅՈՒՆԵՍԿՕ-ի մարդկության համաշխարհային ժառանգության ցանկում: Տեղում աշխատում է վեց հրշեջ ջոկատ։ Նախնական տվյալներով՝ հրդեհի հետևանքով ոչ ոք չի տուժել։ Հրդեհի պատճառն առայժմ հայտնի չէ։