Երևան`   +10 °C
Այսօր`   Ուրբաթ, 29 մարտի, 2024 թ.

Գեղարքունիքում Opel-ը շրջվել է ձորն ու բռնկվել. կան զոհեր և վիրավորներ

369
Շաբաթ, 19 հոկտեմբերի, 2019 թ., 12:55
Գեղարքունիքում Opel-ը շրջվել է ձորն ու բռնկվել. կան զոհեր և վիրավորներ

Հոկտեմբերի 19-ին, ժամը 02:54-ին «911» ծառայություն տեղեկություն է հաղորդվել, որ Մարտունի-Մադինա ավտոճանապարհին տեղի է ունեցել ՃՏՊ, այրվում է ավտոմեքենա, կան տուժածներ:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Մարտունի-Մադինա ավտոճանապարհի 11-րդ կմ-ին «Opel» մակնիշի ավտոմեքենան (վարորդ՝ Մովսես Խ., ծնված 2001թ.) դուրս է եկել ճանապարհի երթևեկելի հատվածից, մոտ 30 մ սահել դեպի դաշտամիջյան հատված, շրջվել և բռնկվել: Վարորդը տեղում մահացել է:

Հրդեհը մեկուսացվել է ժամը 03։14-ին, մարվել՝ 03։45-ին։ Այրվել են ավտոմեքենան և մոտ 7000 քմ խոտածածկ տարածք:

Փրկարարները վարորդի դին և տուժածներին մոտեցրել են շտապօգնության մեքենային: Ուղևորները՝ Դավիթ Ղ-ն (ծնված 2001թ.), Գարիկ Հ-ն (ծնված 2001թ.) և Արսեն Ս-ն (ծնված 2002թ.), հոսպիտալացվել են Մարտունու ԲԿ, որտեղ գրանցվել է Դավիթ Ղ-ի մահը, իսկ մյուսների առողջական վիճակը բժիշկները գնահատել են միջին ծանրության։