Երևան`   +14 °C
Այսօր`   Ուրբաթ, 29 մարտի, 2024 թ.

Հյուսիսային Կիպրոսի ղեկավարը սպառնալիքներ է ստացել՝ Սիրիայում Թուրքիայի գործողությունը դատապարտելու համար

290
Շաբաթ, 19 հոկտեմբերի, 2019 թ., 00:30
Հյուսիսային Կիպրոսի ղեկավարը սպառնալիքներ է ստացել՝ Սիրիայում Թուրքիայի գործողությունը դատապարտելու համար

Թուրքիայում շարունակում է մեծ աղմուկ հանել այսպես կոչված Հյուսիսային Կիպրոսի թուրքական Հանրապետության նախագահ Մուստաֆա Աքընջի արձագանքը՝ Թուրքիայի կողմից Սիրիայում սկսած և ժամանակավորապես դադարեցրած «Խաղաղության ակունք» ռազմական գործողության վերաբերյալ։ Հայտնում է Ermenihaber-ը:

Այդ հայտարարության մեջ Աքընջըն ասել էր, որ Թուրքիայի կողմից նախաձեռնած «Խաղաղության ակունք» ռազմական գործողությունից, «ոչ թե ջուր է հոսում, այլ՝ արյուն»։ Այս հայտարարությունը խստորեն դատապարտեցին Թուրքիայի մի շարք բարձրաստիճան պաշտոնյաներ։

Տեղի ունեցածից հետո, հայտնի է դարձել, որ Աքընջըն այդ հայտարարության պատճառով մահվան սպառնալիքներ ու հայհոյանքներ պարունակող նամակներ է ստացել։ Ինքնահռչակ երկրի նախագահականն էլ նամակի հեղինակների անուններն ուղարկել է ոստիկանություն և դատախազություն։