Երևան`   +1 °C
Այսօր`   Կիրակի, 17 նոյեմբերի, 2019 թ.

«Դուք իսկապե՞ս չեք գիտակցում Ձեր գործողությունների իրավաքաղաքական հետևանքները». Նորայր Նորիկյան

130
Շաբաթ, 19 հոկտեմբերի, 2019 թ., 06:05
«Դուք իսկապե՞ս չեք գիտակցում Ձեր գործողությունների իրավաքաղաքական հետևանքները». Նորայր Նորիկյան

Փաստաբան Նորայր Նորիկյանը ֆեյսբուքյան իր էջում գրել է. «Նիկոլ Փաշինյանին դատաիրավական համակարգի ներկայիս խնդիրների և լուծման հնարավորությունների վերաբերյալ խորհուրդ ու ԴՈՒԽ տվողներն իսկապե՞ս ազնիվ են իրենց խղճի առաջ, իսկապե՞ս ունեն պատասխանատվության զգացում Հաայստանի Հանրապետության այսօրվա ու վաղվա օրվա նկատմամբ, թե՞ ոչ:
Դուք իսկապե՞ս չեք գիտակցում Ձեր գործողությունների իրավաքաղաքական հետևանքները, թե՞ Ձեր ինքնավստահությունն ու անսխալականության մեջ համոզվածությունը համարում եք անբեկանելի, անքննարկելի և բարձրագույն արժեք:
Հարկ չկա կոնկրետ նշելու, սակայն բացի՛ սաբոտաժից, բացի՛ որևէ ձեռնարկված գործողության տապալումից, Դուք կարո՞ղ եք մատնանշել թեկուզ մեկ դեպք, որ ձեռնարկել եք և ավարտել այն հաջողությամբ:
Լսե՛ք, Դուք մինչև հիմա չեք ցանկանում ընդունել այն պարզ ճշմարտությունը, որ Դուք այսօր ոչ թե խնդիրների մասին բարձրաձայնող եք, այլ այդ խնդիրները լուծողը:
Իսկ Դուք ոչ միայն չեք լուծում, այլև ստեղծում եք առավել մեծ խնդիրներ՝ պետության բնականոն գործունեությունը խաթարելու գնով:
Թե՛ սահմանադրական դատարանի, թե՛ դատական համակարգի, թե՛ անցումային արդարադատության իրականացման, թե՛ վեթինգի, թե՛ կոռուպցիայի դեմ պայքարի, թե՛ օրինականության վերականգնման գործընթացում իրականացվող քայլերը կա՛մ կիսատ են, կամ անավարտ, կա՛մ տապալված:
Դո՛ւք գիտեք, Ձեր գործն է, բայց, հիշե՛ք, դեռևս որևէ մեկին չի հաջողվել խուսափել վերջում հաշվետու լինելուց»: