«Չորացած խոտը վառել են և վիմագիրը պարզ երևում է. 1281թ.». Կարեն Մաթևոսյան

Պատմաբան Կարեն Մաթևոսյանը ֆեյսբուքյան իր էջում գրել է. «Ոմն Մխիթարի (ՉԼ) 1281 թվակիր արձանագրությամբ քիվի շրջված այս քարը Արուճի տաճարի հյուսարևելյան կողմում է գտնվում։ Լավ կլինի, որ այն դուրս չմնա «Դիվան հայ վիմագրության» մատենաշարի Արագածոտնի հատորից։ Ժամանակին այն արտագրել է Արտաշես Մաթևոսյանը, բայց հետո քարը կորած է համարվել (մանրամասները՝ Կ. Մաթևոսյան, Արուճ, Երևան, 1987, էջ 63)։ Բանն այն է, որ տարվա այլ ամիսներին խոտը ծածկում է արձանագրությունը, բայց հիմա չորացած խոտը վառել են և վիմագիրը պարզ երևում է։ Լուսանկարել եմ երեկ»։