Երևան`   +8 °C
Այսօր`   Երեքշաբթի, 15 հոկտեմբերի, 2019 թ.

«Հայ ընտանիքների մեծ մասը հեռացել է Սիրիայի Թել Աբյադ, Ռաս ուլ-Այն, Կամիշլի բնակավայրերից». Մխիթար Հայրապետյան

100
Հինգշաբթի, 10 հոկտեմբերի, 2019 թ., 15:45
«Հայ ընտանիքների մեծ մասը հեռացել է Սիրիայի Թել Աբյադ, Ռաս ուլ-Այն, Կամիշլի բնակավայրերից». Մխիթար Հայրապետյան

ԱԺ պատգամավոր Մխիթար Հայրապետյանը ֆեյսբուքյան իր էջում գրել է. «Քիչ առաջ տեղեկացա, որ Սիրիայի Թել Աբյադ քաղաքից հայ ընտանիքների մեծ մասը հեռացել է դեպի Հասակե նահանգ և Հալեպ: Բարեբախտաբար, տուժածներ չկան:

Որոշ տեղեկությունների համաձայն՝ Ռաս ուլ-Այն բնակավայրից նույնպես հայերը դուրս են եկել: Ինչ վերաբերում է Կամիշլիին, ապա այնտեղ ունենք շուրջ 3 հազար հայեր, որոնք շարունակում են մնալ քաղաքում. ինչպես հայտնում են իրենք՝ բնակիչներն ու քաղաքային իշխանությունները, տարհանման անհրաժեշտություն այս պահին չկա:

Նշեմ, որ Սիրիայում ՀՀ դեսպանությունը և Հալեպում ՀՀ գլխավոր հյուպատոսությունը մեծ ծավալի աշխատանք են կատարում. մեր դիվանագետները մշտական կապի մեջ են Սիրիայի հյուսիս-արևելքի հայ համայնքի հետ»: