«Գյումրու «Կումայրի» արգելոց թանգարանն անմխիթար վիճակում է». Լևոն Բարսեղյան

Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Մի բան խնդրեմ:

Գյումրու «Կումայրի» արգելոց թանգարանը թանգարան է բաց երկնքի տակ, իրավաբանական կարգավիճակը ՀՈԱԿ է: Թանգարանի տիրութը մոտ 400 հեկտար է՝ 4 քառակուսի կիլոմետր, քաղաքի պատմական միջուկն է 1600-ից ավելի ճարտարապետական հուշարձաններով: Սա մեծ հարստություն է, տեսնողը գիտե, մասնագետները լավ գիտեն: Այս ամենը փրկվել է վայրի կապիտալիզմից, որովհետև, բարեբախտաբար, էս կողմերի վրա «պետական գերակա շահի» պես այլանդակություններ չեն եղել, և, դժբախտաբար, անմխիթար վիճակում է այս հարստությունը բնական աղետների և աղքատության բերումով:

Վերջերս տնօրենից իմացա, որ այդ հուշարձանները պատշաճ և մանրամասն ցանկագրված, լուսանկարված, նկարագրված չեն և կարիք կա լիակատար կատալոգավորման: Խնդրեցի նախահաշվել և մոտավոր ծախսն ասել: Հաշվեցին ու ասացին, որ մոտավորապես 30 մլն դրամ է հարկավոր այդ գործի համար:

Հիմա խնդրում եմ, եթե մարդ կամ կազմակերպություն կա, որ պատրաստ է օգնել այդ գործին, իմաց տվեք:

Պաչում եմ»: