«Նիկոլ Աղբալյան» ուսանողական միությունն ահազանգում է

ՀՅԴ «Նիկոլ Աղբալյան» ուսանողական միությունը ֆեյսբուքյան էջը տեղեկացնում է, որ Արագած լեռան հարավային գագաթին տեղադրված Արցախյան ազատամարտի հերոսների՝ Պետրոս Ղևոնդյանի, Հրաչ Մուրադյանի, Լեոնիդ Ազգալդյանի, Մանուկի և Շուշիի Առանձնակի գումարտակի մյուս մարտիրոսվածների հիշատակը հավերժացնող հուշաքարերը կրկին ոչնչացվել են։

«Փաստն արձանագրել են մի խումբ արշավականներ։

Հիշեցնենք, որ հուշարձաններն առաջին անգամ չէ, որ ենթարկվում են վանդալիզմի։ Նախորդ տարի, հերթական ուխտագնացությունը կատարելիս, հուշարձանների ոչնչացման փաստն արձանագրել էին Դաշնակցության «Շուշիի Առանձակի գումարտակի» մարտիկները։

«Նիկոլ Աղբալյան» ուսանողական միությունը խստորեն դատապարտում է կատարված բարբարոսությունը և հորդորում իրավապահ մարմիններին անմիջապես զբաղվել հանցագործության բացահայտմամբ»։