Գյումրիի Սև բերդում «կիսաշրջազգեստով տղաները» զայրացրել են օգտատերերին

Գյումրիի Սև բերդ ամրոցում՝ Անկախության 28-ամյակին նվիրված «Մեր ժամանակների հերոսը» մրցանակաբաշխության սկզբում բեմում պարային համար բեմադրած սև երկարափեշ զգեստներով պարողները համացանցում բուռն դժգոհությունների առիթ են դարձել: Շատերն շտապում են դրա մեջ տեսնել Ստամբուլյան կոնվենցիայի ազդեցությունը, ոմանք կազմակերպիչներն մեղադրում են միասեռականության քարոզի համար: Սակայն կազմակերպիչները պնդում են, որ պարողների հագին ոչ թե կիսաշրջազգեստներ են, այլ Գումրու կոլորիտի անբաժան մաս կազմող դարբինների գոգնոցներ: