Երևան`   +10 °C
Այսօր`   Երկուշաբթի, 14 հոկտեմբերի, 2019 թ.

«Դա անուղղակի հաստատեց Թուրքիայի Մշակույթի և զբոսաշրջության պետական կոմիտեն». Կ. Հովհաննիսյան

182
Շաբաթ, 21 սեպտեմբերի, 2019 թ., 21:50
«Դա անուղղակի հաստատեց Թուրքիայի Մշակույթի և զբոսաշրջության պետական կոմիտեն». Կ. Հովհաննիսյան

Ռազմագետ, «Հայոց հզոր բանակ» ՀԿ հիմնադիր-նախագահ Կարեն Հովհաննիսյանը ֆեյսբուքյան իր էջում գրել է. «Վերջերս «Շանթ» հեռուստաընկերության ուղիղ եթերում Նաիրի Հոխիկյանի հետ զրուցում էինք Աղթամարի Սուրբ Խաչ եկեղեցում ադրբեջանցիների կողմից ինչ որ եկեղեցական արարողակարգի կատարման և եկեղեցին աղվանական հռչակելու մասին: Ես վստահորեն կարծիք հայտնեցի, որ թուրքերն այստեղ կապ չունեն, թուրքական դրոշի բարձրացումն էլ եկեղեցում ադրբեջանի դրոշի հետ միասին, պարզապես տպավորություն ստեղծելու համար է:
Այսօր դա անուղղակի հաստատեց նաև Մշակույթի և զբոսաշրջության պետական կոմիտեն՝ կոմիտեի ղեկավարի մակարդակով:
Բառացի մեջբերեմ Մուզաֆֆեր Աքթուղի խոսքը. «Միջնադարյան հայկական եկեղեցի, որը գտնվում է Վանի Աղթամար կղզում, 2018թ.-ի օգոստոսի 31-ի համեմատ զբոսաշրջիկների թիվը աճել է 157 000-ից հասնելով 162 000»: Հատկանշական է, որ թուրք պաշտոնյան երկու անգամ է շեշտում եկեղեցու հայկական լինելը, կրկին նրա խոսքից մեջբերում անեմ. «Բյուրեղյա մաքրությամբ Վանա լճի ջրով շրջապատված կղզին, որտեղ գտնվում է հայկական եկեղեցին, գրավում է ոչ միայն քրիստոնյա զբոսաշրջիկներին, այլ, օրինակ, մահմեդական և մուսուլման զբոսաշրջիկներին»...
Ինքս մասնավոր զրույցներում բազմաթիվ անգամ եմ լսել թուրքերի արհամարական խոսքը ադրբեջանցիների նկատմամբ»: