«Համայնքների միավորման գործընթացը գնում է համալրելու Նիկոլի ձախողումների շարքը». Բաբկեն Հարությունյան

«Երևանի պաշտպանության ճակատ» նախաձեռնության համակարգող Բաբկեն Հարությունյանը ֆեյսբուքյան իր էջում գրել է. «Համայնքների միավորման գործընթացը ձգձգվում է: Համայնքների միավորման գործընթացի հետ կապված հարցում էի ուղղարկել ՏԿԵՆ։ Ստացված պատասխանից պարզ է դառնում, որ համայնքների միավորման նախնական փնջերը ենթարկվելու են փոփոխության և միավորումը ավարտվելու է 2019-2020թթ, ինչը խիստ կասկածելի է։ Այսինքն՝ հստակ որոշում չկա, թե որ համայնքները երբ են միավորվելու, ընթանում են քննարկումներ, ավելին՝ դեռ պետք է «Վարչատարածքային բաժանման մասին» օրենքում էլ փոփոխություններ իրականացնեն։
Այսպիսով, համայնքների միավորման գործընթացը, որը նախկին իշխանությունների հազվադեպ լավ ծրագրերից էր, ձգձգվում է և գնում է համալրելու Նիկոլի ձախողումների շարքը»: