Երևան`   +11 °C
Այսօր`   Երեքշաբթի, 22 հոկտեմբերի, 2019 թ.

«Նոր նշանակումները կպատասխանեն այն հարցին, թե որքանով է հների ռևանշն անհավանական». Վարդ Սիմոնյան

124
Հինգշաբթի, 19 սեպտեմբերի, 2019 թ., 21:15
«Նոր նշանակումները կպատասխանեն այն հարցին, թե որքանով է հների ռևանշն անհավանական». Վարդ Սիմոնյան

Լրագրող Վարդ Սիմոնյանը ֆեյսբուքյան իր էջում գրել է. «Իշխանական մեքենան հանձնված էր առանց շարժիչի և արգելակների. այսօր ուժայինների հրաժարականով մենք առնվազն ամբողջական շարժակազմը վերցնելու հնարավորություն ենք ստանում: Եվ միայն նոր նշանակումները կպատասխանեն այն հարցին, թե որքանով է անշրջելի հայաստանյան հեղափոխությունը և որքանով անհավանական՝ հների ռևանշը: Բայց կադրային շարժերն առանձնապես հույս չեն ներշնչում. միայն Հանրային հեռուստաընկերությունում բուն դրած գարշանք սփռող որջը բավական է հասկանալու համար, թե ում տնտեսական և «գաղափարական» շահերին է այն ծառայեցվում, ինչու կարճվեց քրեական սկանդալային գործը, կամ ինչու է հայտնի օլիգարխի անձնական օգտագործման Պետրոսը բառացիորեն շեք արել Հանրայինի եթերը:
Հարկ է ժամ առաջ կառավարության ֆինանսավորմամբ ստեղծել ուղեղային կենտրոններ և դրանցից արտածել երկարաժամկետ ռազմավարական ծրագրեր, հստակ ուղենիշներ և պրոֆեսիոնալ կադրեր: Միայն ունիվերսալ, ժամանակակից գիտելիքի կենտրոնները կարող են սպասարկել առաջընթացն ու մեր հեղափոխական ամբիցիաները: Այլ ճանապարհ չկա»: