«Հովեր» երգչախումբը հանդես կգա կոմպոզիտոր Գեղունի Չթչյանի 90-ամյակին նվիրված համերգներով
«Հովեր» պետական կամերային երգչախումբը հանդես կգա կոմպոզիտոր Գեղունի Չթչյանի 90-ամյակին նվիրված համերգներով: Համերգները կկայանան Վանաձորում և Գյումրիում: Խմբավար Սոնա Հովհաննիսյանի ղեկավարությամբ՝ սեպտեմբերի 17-ին, ժամը 18:00 Վանաձորի Էդվարդ Կզարթմյանի անվան երաժշտական դպրոցում և սեպտեմբերի 18-ին, ժամը 16:00 Գյումրու տեխնոլոգիական կենտրոնում «Հովեր» երգչախումբը կներկայացնի Գեղունի Չթչյանի ստեղծագործությունները: Մասնավորապես՝ համերգներին կհնչեն կոմպոզիտորի «Աղոթքներ», «Բեթղեհեմի աստղը», «Փառք քեզ, Տեր», «Մթնաձորում», «Ու՞ր ես թռչում» գործերը: Կհնչեն նաև կոմիտասյան խմբերգեր: Համերգներն անցկացվում են Կամերային երաժշտության ազգային կենտրոնի նախաձեռնությամբ, ՀՀ կրթության, գիտության, մշակույթի և սպորտի նախարարության աջակցությամբ: Նշենք, որ կոմպոզիտոր Գեղունի Չթչյանը ծնվել է 1929թ. Գյումրիում: 1953-ից եղել է Երևանի Կ.Սարաջևի անվան երաժշտական դպրոցի ստեղծագործական դասարանի հիմնադիր-ղեկավարը: 1971թ.-ից դասավանդել է Երևանի կոնսերվատորիայում (1990-ից՝ պրոֆեսոր): Տարբեր ժանրերի ստեղծագործությունների հեղինակ է: Հայ երաժշտական արվեստը ներկայացրել է ԱՄՆ-ում, Կանադայում, Անգլիայում, Լեհաստանում, Բուլղարիայում: Ունեցել է հեղինակային կամերային և սիմֆոնիկ ստեղծագործությունների համերգներ Հայաստանում և երկրի սահմաններից դուրս: 1980 թ. արժանացել է Հայաստանի արվեստի վաստակավոր գործչի կոչման, 2011թ.՝ Հայաստանի ժողովրդական արտիստի կոչման: |
«Միայն իրենց իշխանական ալիքներով է, որ հաջող գործարք են իրականացրել, այնինչ իրականում ողբ է». Տեր Արամ (տեսանյութ)
140Երեկ, 21:13«Հանգիստ մի՛ նստեք ու ասեք՝ ես իմ գործով կզբաղվեմ, ու ամեն ինչ նորմալ կլինի». Արսեն Գրիգորյան (տեսանյութ)
129Երեկ, 20:54«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
12124.04.2024, 01:54Մայր Աթոռը հայտարարություն է տարածել
13322.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
16521.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
14321.04.2024, 19:54