Երևան`   +18 °C
Այսօր`   Երկուշաբթի, 21 հոկտեմբերի, 2019 թ.

Ողբերգական վթար Արմավիրում. նախնական վարկածով՝ վարորդը կաթվածահար է եղել

202
Չորեքշաբթի, 11 սեպտեմբերի, 2019 թ., 18:55
Ողբերգական վթար Արմավիրում. նախնական վարկածով՝ վարորդը կաթվածահար է եղել

Այսօր՝ սեպտեմբերի 11-ին, ողբերգական դեպք է տեղի ունեցել Արմավիրի մարզում։ Ժամը 15։00-ի սահմաններում Դաշտ գյուղի բնակիչ՝ 52-ամյա Սարիբեկ Մ-ն Երևան-Արմավիր ավտոճանապարհի 23-րդ կմ հատվածում իր վարած ЗИЛ մակնիշի 35 NA 908 համարանիշի ավտոմեքենայով դուրս է եկել ճանապարհի երթևեկելի գոտուց և բախվել էջմիածին քաղաքի Անդրանիկի թաղամասի 98/1 տան բետոնե պարսպին։ Ինչպես հայտնում է ֆոտոլրագրող Գագիկ Շամշյանը, վթարի հետևանքով ЗИЛ-ի վարորդ Սարիբեկ Մ-ն մահացել է, իսկ ուղևորներ՝ Էջմիածին քաղաքի բնակիչներ, 31-ամյա Դանիել Ս-ն և 17-ամյա Դավիթ Ս-ն մարմնական վնասվածքներով տեղափոխվել են «Վաղարշապատ» բժշկական կենտրոն։ Վթարը եղել է այն բանից հետո, երբ վարորդի ինքնազգացողությունը ավտոմեքենան վարելիս վատացել է, և հնարավոր է, որ նա վարելու ժամանակ սրտի կաթված է ստացել: Վիրավորներից Դանիել Ս-ն ծառայում է Ոստիկանության Զորքերի N զորամասում՝ որպես պայմանագրային զինծառայող, իսկ մյուս վիրավոր Դավիթ Ս-ն նրա տղան է։