Հայկ Մարությանն ու Սոնա Աղեկյանը միմյանց դեմ դատական հայցեր են ներկայացրել
Օգոստոսի 21-ին հայտնի դարձավ, որ Երևանի քաղաքապետ Հայկ Մարությանը դատական հայց է ներկայացրել Երևանի ավագանու նախկին անդամ Սոնա Աղեկյանի դեմ: Դատական տեղեկատվական համակարգի կայքի համաձայն՝ քաղաքապետը պահանջում է Ս. Աղեկյանին պարտավորեցնել պատվին և արժանապատվությանը պատճառված վնասի հատուցում և հերքում: Հայցադիմումը ներկայացվել է օգոստոսի 15-ին և մակագրվել Երևանի ընդհանուր իրավասության դատարանի դատավոր Տաթևիկ Ստեփանյանին: Հիշեցնենք, որ օգոստոսի 9-ին Աղեկյանը մամուլի ասուլիսի ժամանակ հայտարարել էր, թե քաղաքապետարանում կոռուպցիան աննախադեպ մակարդակի է հասել: MAMUL.am-ի թղթակցի հետ զրույցում Ս. Աղեկյանն ասաց, որ դատական հայցի մասին ինքն էլ է լրատվամիջոցներից տեղեկացել: Նա նշեց, որ ավելի վաղ անգործության հիմքով քաղաքապետի դեմ հայց է ներկայացրել Երևանի ընդհանուր իրավասության դատարան: Ավագանու նախկին անդամի կարծիքով՝ քաղաքապետն իր անգործությամբ երևանցիներին թողել է գարշահոտության մեջ՝ դրանով ոտնահարելով նրանց՝ մաքուր միջավայրում ապրելու իրավունքը: «Այոʹ, ես իրավունք ունեմ կարծելու, որ իր անգործությամբ քաղաքապետը կոռուպցիոն գործարքների մեջ է «Սանիթեք» ընկերության հետ: Երևանում աղբի այս աննախադեպ քանակը լիովին բավարար էր, որ քաղաքապետարանը պայմանագրային պարտավորությունները չկատարելու հիմքով «Սանիթեքի» հետ կնքած պայմանագիրը խզեր: Երբ քաղաքապետարանն ասում է, որ եթե պայմանագիրը խզեին, քաղաքը կեղտոտ էր մնալու, այդ մասին պետք է շուտ մտածեին»,- նշեց Ս. Աղեկյանը: Դիտարկմանը, թե կարծելը մի բան է, դատարանում փաստարկներ ներկայացնելը՝ մեկ այլ բան, ավագանու նախկին անդամն ասաց. «Այո՛, ես պատրաստ եմ փաստեր ներկայացնել, բոլոր խոսքերիս համար պատասխան կտամ: Ինձ համար հիմք է այն, որ քաղաքապետը չի դիմում դատարան ու պայմանագիրը չի խզում, այն պարագայում, որ կատարող կողմին վճարում են, իսկ նա իր պարտավորությունը չի կատարում: Սա արդեն հիմք է պնդելու, որ Հայկ Մարությանը կոռուպցիոն գործարքների մեջ է»: Նշենք, որ դատական նիստերի օրերը դեռ հայտնի չեն: |
«Օրը ցերեկով գողանում են բազալտե եզրաքարերը». Թեժ գիծ (տեսանյութ)
3014:18«Դիպուկահարը խփում էր մեր զինվորին, հրաման էի ստանում՝ պատասխան չտալ»․ Արշակ Կարապետյան (տեսանյութ)
6713:18«Խորհրդային սահմաններին վերադարձը խնդիր է առաջացնելու նաև Կիրանցի հատվածում». Դավիթ Գալստյան (տեսանյութ)
6913:06«Իմ տեղեկություններով, վարչապետի աթոռը զբաղեցնողն ուղևորվում է Ոսկեպար». Գառնիկ Դանիելյան
9112:18Սպասվում են ձյան առատ տեղումներ, բուք
11011:36«Արցախի վաճառքի այս ամբողջ գործարքից տուժեց միայն սովորական արցախցին»․ Նաիրի Հոխիկյան
11111:24