ՄքԳրեգորը բռունցքով հարվածել է տարեց տղամարդուն

UFC-ի նախկին չեմպիոն, իռլանդացի MMA մարտիկ Քոնր ՄքԳրեգորը Դուբլինի «Marble Arch» փաբում հարձակվել է տարեց տղամարդու վրա և հարվածել նրան։ ՄքԳրեգորը փաբում գնել է իր արտադրության «Proper Twelve» վիսկի և բոլորին հյուրասիրել է։ Տարեց տղամարդը հրաժարվել է ալկոհոլից՝ զայրացնելով ՄքԳրեգորին, ով մոտեցել և բռունցքով հարվածել է նրան։ Ծեծկռտուքից խուսափելու համար՝ Քոնրի ընկերները նրան արագ դուրս են հանել փաբից։ Միջադեպը տեղի է ունեցել ապրիլին։ Ոստիկանությունը հետաքննություն է սկսել։