Այսօր ՀՀ ժողովրդական երգչուհի Վալյա Սամվելյանի ծննդյան օրն է
«Ինչքան լավ ու բարի կողմ ունեմ ժառանգել եմ հենց մայրիկիցս: Եվ, բնականաբար, ինչպես կաներ ցանկացած ծնող, փոխանցում եմ զավակներիս: Վալյա Սամվելյանն, իրոք աստվածատուր, բարձր տաղանդի տեր երգչուհի էր և հրաշալի մարդ՝ շրջապատի համար: Նա բոլորին հասնող էր և անչափ սիրված ժողովրդի կողմից»,- MAMUL.am-ի հետ զրույցներից մեկում անկեղծացել էր երգչուհու որդին՝ երգահան Արա Գևորգյանը: «Ազնիվ ու անարատ հոգու տեր էր մեր Վալյան, և այդպես մաքուր ու ազնիվ էին հնչում նրա կատարած երգերը՝ ունկնդիրների բազմազան լսարանին հաղորդելով հուզական ու վսեմ զգացմունքներ»,- այսպես է բնորոշել Վալյա Սամվելյանին կոմպոզիտոր Էդուարդ Միրզոյանը: Վալյա Սամվելյանը եղել է ՀՀ Ռադիոյի և հեռուստատեսության Արամ Մերանգուլյանի անվան ժողովրդական գործիքների նվագախմբի մենակատարը։ Անսամբլի կազմում հանդես է եկել 38 տարի՝ մինչև կյանքի վերջին օրերը։ 1957-ին արժանացել է միջազգային փառատոնի ոսկե մեդալի։ Ունի չորս ոսկե մեդալ և դիպլոմներ։ Թողարկել է 2 ձայնասկավառակ, համերգներով հանդես է եկել Ֆրանսիայում, Բելգիայում, Սիրիայում, Լիբանանում և այլուր: Նրա կատարմամբ հնչել են Կոմիտասի, Սայաթ-Նովայի, Ալեքսեյ Հեքիմյանի, Խաչատուր Ավետիսյանի, գուսաններ Աշոտի, Շահենի և ուրիշների ստեղծագործությունները: Վ. Սամվելյանի առավել ճանաչված կատարումներից են «Անուշիկ իմ քույրիկ», «Անցար այգուս նայելով», «Զոր գիշեր» և «Շորորա» ստեղծագործությունները: Վ. Սամվելյանը վախճանվել է 1990-ին դեկտեմբերի 3-ին՝ դժբախտ պատահարից։ |
«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
114Երեկ, 01:54Մայր Աթոռը հայտարարություն է տարածել
12922.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
16321.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
14121.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
14521.04.2024, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
16921.04.2024, 00:30