Երևան`   +7 °C
Այսօր`   Երեքշաբթի, 19 նոյեմբերի, 2019 թ.

«Ուռուցքաբանության ազգային կենտրոնը դեռևս չի ենթարկվում նախարարությանը». Արսեն Թորոսյան

263
Ուրբաթ, 09 օգոստոսի, 2019 թ., 23:35
«Ուռուցքաբանության ազգային կենտրոնը դեռևս չի ենթարկվում նախարարությանը». Արսեն Թորոսյան

Առողջապահության նախարար Արսեն Թորոսյանի գրառումը. «Ի պատասխան վերջին շրջանում սոցիալական ցանցերում և ԶԼՄ-ներում հնչող տարատեսակ կարծիքների և մեկնաբանությունների հայտնում եմ, որ Ուռուցքաբանության ազգային կենտրոնը դեռևս չի ենթարկվում Առողջապահության նախարարությանը։ Այն այս պահին ենթարկվում է Պետական գույքի կառավարման կոմիտեին, քանի որ այն գտնվում էր մասնավորեցվող բուժհաստատությունների ցանկում։

Մոտավորապես մեկ տարի առաջ մեր նախարարության կողմից նախաձեռնվեց իրավական գործընթաց, որի արդյունքում կենտրոնը պետք է դուրս բերվեր մասնավորեցման ցանկից և վերադարձվեր մեր նախարարության ենթակայություն, որպեսզի մենք լիազորված լինեինք անմիջականորեն զբաղվելու կենտրոնում առկա խնդիրներով և զարգացումով։

Չնայած Ազգային ժողովի դրական քվեարկությամբ օրենքի փոփոխությունը ընդունել է դեռ հունիս ամսին, սակայն կենտրոնի վերադարձի գործըթացը մեզնից անկախ հանգամանքների պատճառով դեռ չի ավարտվել և մենք դեռևս լիազորված չենք այդ կենտրոնի կառավարումը իրականացնելու հարցում։

Լիազորությունները ստանձնելուն պես, վստահեցնում եմ բոլորիդ, որ ջանք չենք խնայելու Ուռուցքաբանության ազգային կենտրոնում մատուցվող ծառայությունների որակը բարձրացնելու և առկա խնդիրները լուծելու ուղղությամբ, ինչպես դա անում ենք մեզ ենթակա մյուս բուժհիմնարկներում»։