«Սա լրջագույն ռիսկեր պարունակող մարտահրավեր է». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան իր էջում գրել է. «Ամբոխավարության մանիպուլյատիվ տեխնոլոգիաների կիրառմամբ իշխանափոխություն իրականացրած քաղաքական առաջնորդն իշխանության գալուց հետո անխուսափելիորեն ստիպված է լինում սահմանազատվել իրեն իշխանության բերած ամբոխից: Դա ոչ թե հրաժարումն է մարդկանցից, այլ պաշտոնական նոր կարգավիճակի բերումով պոպուլիզմից աստիճանաբար հրաժարվելու հրամայական, անհրաժեշտության գիտակցման արդյունք է: Այդ առաջնորդը երկրի արդյունավետ կառավարումն իրականացնելու համար պարտավորված է հետայսու հենվել մասնագիտական տեսակետների, այլ ոչ թե ամբոխի զգացմունքների ու պահանջների վրա: Առաջնորդի այս վարքագծային փոխակերպման հետևանքն այն է լինում, որ ամբոխը սկսում է իրեն դավաճանված զգալ: Սա լրջագույն ռիսկեր պարունակող մարտահրավեր է»: