Ուռուցքաբանական հիվանդությունների ճառագայթային թերապիա ծառայության մասով կատարվել են փոփոխություններ

«Առողջապահության նախարար Արսեն Թորոսյանը ֆեյսբուքյան իր էջում գրել է. «Հուլիսի 4-ից ուռուցքաբանական հիվանդությունների ճառագայթային թերապիա ծառայության մասով կատարվել են փոփոխություններ:

Նախկինում հաստատված չարորակ ուռուցքաբանական և արյունաբանական ախտորոշումներով տառապող հիվանդների համար՝ բացառությամբ սոցիալական խմբերի շահառուների, այն իրականացվում էր համավճարային սկզբունքով:

Այժմ արդեն ողջ բնակչության համար՝ անկախ պացիենտի սոցիալական կարգավիճակից, ներխոռոչային սարքերով՝ TERAGAM ճառագայթային և ELEKTA էլեկտրոնային արագացուցիչով բուժումն իրականացվում է ամբողջությամբ անվճար:

Իսկ նորագույն ու թանկարժեք տեխնոլոգիաներով մատուցվող բժշկական օգնության և սպասարկման ծառայությաունների ցանկում ընդգրկված 15 և ավելի MeV (մեգաէլեկտրոնվոլտ) հզորություն ունեցող բժշկական գծային արագացուցիչով (այդ թվում VARIAN սարքով) բուժօգնություն ստացող շահառուների շրջանակը մինչև 7 տարեկանից ընդլայնվել է՝ հասցնելով մինչև 18տ.։ 2019թ. փետրվարից այս սարքով անվճար կարող էին բուժվել նաև 30.01 և ավելի անապահովության բալ ունեցող նպաստառու ընտանիքի անդամները և 6 այլ խմբերի քաղաքացիներ»։