Երևան`   0 °C
Այսօր`   Չորեքշաբթի, 11 դեկտեմբերի, 2019 թ.

«Ադրբեջանում ազդարարվել է ռազմահայրենասիրական ամառային ճամբարի բացումը». Կարեն Հովհաննիսյան

214
Երեքշաբթի, 16 հուլիսի, 2019 թ., 18:20
«Ադրբեջանում ազդարարվել է ռազմահայրենասիրական ամառային ճամբարի բացումը». Կարեն Հովհաննիսյան

Ռազմագետ, քրդագետ Կարեն Հովհաննիսյանը ֆեյսբուքյան իր էջում գրել է. «Ադրբեջանը երկրում ռազմահայրենասիրական դաստիարակությունը պետական մակարդակով ոչ միայն խրախուսում , այլ լուրջ ֆինանսական միջոցներ է հատկացնում :
Մի քանի օր առաջ երկրով մեկ մեկնարկել է 18-25 տարեկանների բանակումը, որը ռազմահայրենասիրական մոտիվներով էր: Ահա, այսօր արդեն ազդարարվել է «Պատանի հեյդարներ» ռազմահայրենասիրական ամառային ճամբարի բացումը:
Այն 10-16 տարեկան երեխաների համար է, որոնք ճամբարն անցկացնելու են բացառապես զինվորական կարգ ու կանոնով:
Հատկանշական է, որ մինչ ճամբար մեկնելը, երեխաների մոտ ելույթով հանդես է եկել Ադրբեջանի ռազմական գերատեսչության անձնակազմի հետ տարվող բարոյահոգեբանական պատրաստության և դաստիարակաության գլխավոր վարչության պետ, գեներալ-մայոր Ռասիմ Ալիևը:
Նա իր խոսքով բացահայտ հակահայ և հայտյաց քարոզչություն է իրականացրել:
Մասնավորապես նշել է, որ «հաջորդ ռազմահայերնասիրական ճամբարը լինելու է թշնամու կողմից օկուպացված հայրենիքի լեռներում» : Նա նաև խորհուրդ է տվել երկրի բոլոր գործարարներին ստեղծել ռազմահայրենասիրական ճամբարներ իրենց աշխատողների երեխաների համար»: