«Բարսելոնա»-ն վարկով է գնել Գրիզմանին

«Բարսելոնա»-ի նախագահ Խոսեպ Մարիա Բարտոմեուն հայտարարել է, որ ակումբը վարկով է գնել Մադրիդի «Աթլետիկո»-ի ֆրանսիացի հարձակվող Անտուան Գրիզմանին:

«Մենք պետք է հրաժարագինը վճարեինք: Ակումբի գլխավոր տնօրենը հանդիպել էր «Աթլետիկո»-ի իր գործընկերոջ հետ՝ հրաժարագինը մաս-մաս վճարելու շուրջ համաձայնության գալու համար։ «Բարսելոնա»-ն 35 մլն վարկ է խնդրել, որը 6 ամսում կվերադարձվի: Եվս 85 մլն եվրո պետք է վերցնենք ակումբի վճարային հաշիվներից, որոնք մենք ունենք»,- նշել է նա։