«Այժմ 28 մեգավատ Վրաստանից ենք ներմուծել, 42՝ Իրանից». Հակոբ Վարդանյան

Այսօր ՀՀ-ի էներգոհամակարգում ստեղծված իրավիճակի վերաբերյալ Տարածքային կառավարման ենթակառուցվածքների փոխնախարար Հակոբ Վարդանյանը նշեց, որ անհանգստանալու կարիք չկա, խնդիրը դիտարկվում է մասնագետների կողմից:

«Այս պահին Լոռու և Տավուշի մի մասը անջատել ենք Հայաստանի էներգոհամակարգից, միացված է վրացական էներգոհամակարգին: 28 մեգավատ Վրաստանից ենք ներմուծում, 42՝ Իրանից: Իրանից ևս այս պահին ներմուծման ռեժիմով աշխատում ենք, անընդհատ տատանվում է ներմուծման ռեժիմը՝ կապված պահանջարկից: Ամբողջ խնդիրն այն է, որ անսահման չի կարող ներմուծման ռեժիմը լինել, կամ ամբողջ գծերի թողունակությամբ: Էլեկտրամատակարարումը մոտ 70 տոկոսով վերականգնված է»,-հայտնեց փոխնախարարը: