«Մենք ոչ մեկի հետևից վազելու մտադրություն չունենք». ԱՄՆ-ում ՌԴ դեսպան
Ռուսաստանը չի տեսնում ԱՄՆ-ի պատրաստակամությունը՝ Փոքր և միջին հեռահարության հրթիռների ոչնչացման վերաբերյալ կառուցողական բանակցություններ վարելու պայմանագրի շուրջ. ՌԻԱ ՆՈՎՈՍՏԻ գործակալության փոխանցմամբ, նման հայտարարությամբ է եկել ԱՄՆ-ում ՌԴ դեսպան Անատոլի Անտոնովը: «Մեր գործընկերները հրաժարվում են առարկայական քննարկում անցկացնել այդ պայմանագրի պահպանման շուրջ: Միևնույն ժամանակ, մենք ոչ մեկի հետևից վազելու մտադրություն չունենք: Մեր առաջարկները բանակցային սեղանին են: Միջին և փոքր հեռահարության հրթիռների ոչնչացման պայմանագրի ճակատագիրն ԱՄՆ-ի ձեռքում է»,-ասել է դեսպանը: Նա հույս է հայտնել, որ ՌԴ և ԱՄՆ նախագահներ Վ. Պուտինի և Դ. Թրամփի բանակցությունները, որոնք տեղի էին ունեցել հունիսի 28-ին, Օսակայում G20-ի շրջանակում, կշարունակվեն՝ կոնկրետ գործողությունների տեսքով: Դիվանագետը նշել է նաև, որ Մոսկվայի համար սպասելի է, որ նախընտրական քարոզչության մոտենալուն զուգընթաց կակտիվանան «հնարովի» պատմություններն այն մասին, որ Ռուսաստանը միջամտում է ԱՄՆ ընտրություններին: Հիշեցնենք, Օսակայի հանդիպման նախօրեին ամերիկյան լրագրողները ԱՄՆ նախագահին հարցրել էին, թե նա մտադիր չէ՞ ռուսաստանցի իր գործընկերոջը հորդորել չխառնվել 2020թ. ընտրություններին: «Իհարկե մտադիր եմ»,- ասել էր Դ. Թրամփը և Օսակայում հարցն ուղղել Վ. Պուտինին: Դրան ի պատասխան ՌԴ նախագահը ծիծաղել էր, իսկ ԱՄՆ նախագահը ժպտացել և գլուխը տարուբերել: |
«Շահրամանյան Սամվելը, կարծես, դրսևորում է գործակալական պահվածք»․ Արթուր Հովհաննիսյան
8013:06«Ուղղորդվում ենք Պուտինի կարծիքով»․ Աղալարով
11413:00«Հայաստանը վերածում են Արևմուտքի չափազանց վտանգավոր ծրագրերի իրականացման գործիքի»․ Զախարովա
13412:24«Պարզապես զառանցանք»․ Պուտինը՝ ՆԱՏՕ-ի վրա հնարավոր հարձակման մասին (տեսանյութ)
12612:00«ԼՂ-ից բռնի տեղահանված որոշ շրջանակներ ՀՀ անվտանգության համար սպառնալիք ստեղծող քայլեր են անում»․ Փաշինյան
10711:36«Ֆրանսիան Հայաստանին պատերազմի է դրդում»․ Ադրբեջանի ՊԱԾ տնօրեն
10311:30