Երևան`   +21 °C
Այսօր`   Ուրբաթ, 19 հուլիսի, 2019 թ.

Միջոցառում «Գառնի» արգելոց-թանգարանում՝ նվիրված Կոմիտասի և Թումանյանի 150-ամյակներին

122
Չորեքշաբթի, 03 հուլիսի, 2019 թ., 08:50
Միջոցառում «Գառնի» արգելոց-թանգարանում՝ նվիրված Կոմիտասի և Թումանյանի 150-ամյակներին

«Գառնի» պատմամշակութային արգելոց-թանգարանում կկազմակերպվի մեծամասշտաբ երեկո՝ նվիրված Կոմիտասի և Հովհաննես Թումանյանի ծննդյան 150-ամյակներին: Կամերային երաժշտության ազգային կենտրոնի նախաձեռնությամբ անցկացվող հոբելյանական համերգը տեղի կունենա հուլիսի 14-ին, ժամը 20:30:

Միջոցառմանը ելույթ կունենան հայաստանյան երեք առաջատար երաժշտախմբերը՝ Հայաստանի պետական կամերային նվագախումբը (գեղ. ղեկավար և գլխ. դիրիժոր՝ Վահան Մարտիրոսյան), Հայաստանի պետական կամերային երգչախումբը (գեղ. ղեկավար և գլխ. դիրիժոր՝ Ռոբերտ Մլքեյան), «Հովեր» պետական կամերային երգչախումբը (խմբավար՝ Սոնա Հովհաննիսյան):

Երեկոյի ընթացքում երաժշտախմբերը հանդես կգան դիրիժորներ Վահան Մարտիրոսյանի և Ռոբերտ Մլքեյանի ղեկավարությամբ: Կմասնակցեն նաև մի շարք մենակատարներ: Միջոցառմանը կհնչեն Կոմիտասի, Վ. Շարաֆյանի, Մ. Մավիսակալյանի ստեղծագործությունները: