Հունան Պողոսյանը՝ Սյունիքում նարկոթրաֆիկի դեպքերի և նախկին պաշտոնյաների կողմից օտարված հողատարածքների մասին
«Նիկոլ Փաշինյանը Ձեզ մարզպետ նշանակելիս ասաց, որ Սյունիքը նարկոթրաֆիկի կետ է և Ձեզ նշանակեց, որպեսզի այդ հարցը լուծվի: Ձեր գործունեության ընթացքում քանի՞ այդպիսի գործ է բացահայտվել և Դուք ի՞նչ եք արել»,- այսօր ԱԺ-ում «Իմ քայլը» խմբակցության անդամների հետ փակ հանդիպումից հետո, լրագրողների հետ զրույցում, հարցին ի պատասխան՝ Լոռու մարզպետ Հունան Պողոսյանն ասաց. «Ձեր հարցի հասցեատերը ուղղակի իմաստով ես չեմ, իսկ վարչապետը որպես նշանակման բաղադրիչներից մեկը դա ասաց: Ինչ վերաբերում է իրավապահ համակարգին, հարցը ուղղեք իրենց: Ես այդ իմաստով համակարգելու եմ այդ աշխատանքները, իսկ իրավապահ համակարգը և՛ տեղում, և՛ կենտրոնական ապարատի համապատասխան ծառայությունները շատ նորմալ աշխատում են փոխհամաձայնեցված, ունեն տեսանելի արդյունքներ: Եթե ուզում եք թվեր, դիմեք ոստիկանություն, ԱԱԾ, ՊԵԿ-ի մաքսային ծառայություն»,-ասաց մարզպետը: Անդրադառնալով փակ հանդիպման ընթացքում մարզպետերի գործունեությանն առնչվող «Իմ քայլ»-ականների գնահատականին, Հ. Պողոսյանը հավաստիացրեց, որ «որևէ մարզպետի աշխատանքից դժգոհություն կամ գոհունակություն չի հայտնվել, քննարկվել են ընդհանուր բնույթի աշխատանքային հարցեր»: Հողատարածքների օտարման հետ կապված հարցին ի պատասխան, Հունան Պողոսյանն ասաց, որ հարուցվել են քրեական գործեր, որոնցում ներգրավված են նախկին պաշտոնյաներ: Հարցին՝ Սուրիկ Խաչատրյանը ներգրավվա՞ծ է «հողերի գործում», Պողոսյանը չպատասխանեց: |
«Արցախը հանձնեց, անցավ Հայաստանին»․ Տաթևիկ Հայրապետյան
4300:54«Կայուն և հարատև խաղաղության հաստատման համար սահմանազատման և սահմանագծման գործընթացը շատ կարևոր է»․ Թորոսյան
76Երեկ, 23:00«Ճանապարհի այդ հատվածի հանձնումը քրեական հանցագործություն է»․ Մեսրոպ Առաքելյան
83Երեկ, 22:24«Ողջունում ենք Երևանի ու Բաքվի պայմանավորվածությունը»․ Կլաար
82Երեկ, 22:18«Տպավորություն ունեմ, որ ոչ մեկ չի ուզում իշխանություն վերցնել»․ Բաբկեն Պիպոյան
88Երեկ, 22:06«Բոլոր պատգամավորներն անձնական պատասխանատվություն են կրում այսօրվա իրավիճակի համար»․ Էդգար Ղազարյան
79Երեկ, 21:36