Բուֆֆոնը մոտ է «Յուվենթուս» վերադառնալուն

ՊՍԺ-ի նախկին դարպասապահ Ջանլուիջի Բուֆֆոնը բանակցություններ է վարում Թուրինի «Յուվենթուս» վերադառնալու շուրջ։ 41-ամյա դարպասապահը պատրաստ է 1 տարվա պայմանագիր կնքել թուրինյան ակումբի հետ։ Նա համաձայնել է լինել Վոյցեխ Շչեսնիի փոխարինողը, իսկ 2019/20 մրցաշրջանի ավարտից հետո համալրել ակումբի մարզչական շտաբը։

Հիշեցնենք, որ 2018-ի ամռանը Բուֆֆոնը տեղափոխվել էր ՊՍԺ՝ ազատ գործակալի կարգավիճակով։ Մինչ այդ նա 17 տարի հանդես էր գալիս «Յուվենթուս»-ի կազմում։