Ֆրանսիայում առաջին անգամ նախկին նախագահին կդատեն կոռուպցիայի համար
Ֆրանսիայի Վճռաբեկ դատարանը մերժել է երկրի նախկին նախագահ Նիկոլա Սարկոզիի փաստաբանի միջնորդությունը, որով նա հանդես էր եկել իր դեմ հարուցված գործը դատարան հանձնելու դեմ: Երկրի նախկին նախագահը մեղադրվում է նախաքննության վրա ճնշում գործադրելու համար, այդ թվում՝ կաշառելու միջոցով: Սարկոզին կասկածվում է նրանում, որ իր փաստաբանի օգնությամբ փորձել է տեղեկատվություն ստանալ այն ժամանակվա մագիստրատ Գիլբեր Ազիբերից՝ քննվող այն գործի մասին, որը վերաբերել է 2007թ. իր նախագահական ընտրարշավի անօրինական ֆինանսավորմանը: Այդ մասին գրում է Le Figaro-ն: Դատական նիստը պետք է տեղի ունենա մոտակա ամիսներին: Քննությունը պարզել է, որ Սարկոզին այդ քայլով ցանկացել է հասկացնել Ազիբերին, որ պատրաստ է տեղեկատվության տրամադրման դիմաց օգնել Ազիբերիին՝ պատկառելի պաշտոնի նշանակելու հարցում: Սարկոզին պնդել է, որ ինքը նման բան չի արել և մեղավոր չէ: Սակայն իրավապահ մարմինները կարծում են, որ գործարքը տեղի չի ունեցել, որովհետև նախկին նախագահը կռահել է, որ իր հեռախոսային խոսակցությունները գաղտնալսվում են: Եթե մեղադրանքը հաստատվի, ապա Ն. Սարկոզին կլինի երկրի առաջին ղեկավարը, որին կդատեն կոռուպցիայի համար: |
«Ցանկացած երկիր, որը ցանկանում է ինքնիշխան դառնալ, պարտավոր է ընդունել այդ օրենքը»․ Վոլոդին
5019:00ԵԽԽՎ-ն ոչ լեգիտիմ է ճանաչել Պուտինի իշխանությունը
16018:00«Փաշինյանը Տավուշում մոտավորապես էս պատկերն է ներկայացրել»․ Դավիթ Գալստյան
8117:00«Հիմա ո՞ւր է տարածքներ տալը բացառած Հայկ Չոբանյանը»․ Ոսկան Սարգսյան
6916:48Վազգեն Մանուկյանը բաց նամակ է հղել Կոնստանտին Զատուլինին
8516:18Ադրբեջանի ՀԿ-ները բաց նամակ են հղել Նոբելյան կոմիտե՝ ընդդեմ Ռուբեն Վարդանյանի թեկնածության
8116:00