Պլատինին հարցաքննվել է և ազատ արձակվել

ՈՒԵՖԱ-ի նախկին նախագահ Միշել Պլատինին, ով երեկ ձերբակալվել է՝ կոռուպցիայի համար կասկածանքով, ազատ է արձակվել։ Պաշտոնյան կասկածվում է որպես 2022-ի աշխարհի առաջնության ընդունող երկիր Կատարն ընտրելու ընթացքում ապօրինի գործողությունների համար։

«Հարցաքննությունը երկար է տևել, բայց, հաշվի առնելով հարցերի քանակը, այլկերպ լինել չէր կարող:

Ինձ հարցնում էին Եվրոպայի 2016 թվականի առաջնության, Ռուսաստանում կայացած և Կատարում կայանալիք աշխարհի առաջնությունների մասին»,- նշել է Պլատինին՝ ազատ արձակվելուց հետո:

Հիշեցնենք, որ Պլատինին ՈՒԵՖԱ-ի նախագահ է ընտրվել 2007 թվականին և պաշտոնն զբաղեցրել է մինչև 2015-ը։ 2015-ի դեկտեմբերին նա որակազրկվել է 8 տարով, իսկ 2016-ի մայիսին այդ ժամկետը կրճատվել է մինչև 4 տարի։